Ríu Yukón
From Wikipedia, the free encyclopedia
El ríu Yukón (inglés: Yukon River ) ye un llargu ya importante ríu del noroeste d'América del Norte, que flui en direiciones N y O al traviés de les provincies o territorios canadianos de Columbia Británica y Yukón, y del estáu norteamericanu d'Alaska, desaguando nel mar de Bering. Tien un llargor de 3185 km y forma una gran cuenca de 854 000 km².
Ríu Yukón | |
---|---|
Tàgé Cho (mis) Tágà Shäw (mis) | |
Situación | |
País | Canadá |
Territorio (es) | Yukón |
Tipu | ríu |
Coordenaes | 60°32′31″N 134°31′09″W |
Datos | |
Conca hidrográfica | Yukon River Basin (en) |
Superficie de la conca | 832 000 km² |
Llonxitú | 3190 km |
Caudal | 6428 m³/s |
Nacimientu | Juneau Icefield (en) |
Desembocadura | Mar de Bering |
Afluentes |
ver
|
Na so desaguada forma un delta en forma d'abanicu casi semicircular, con un brazu de mayor tamañu y unos cuantos enforma menores. L'anchor del so calce ye abondo variable, ente un quilómetru y más de trés mientres los postreros 1000 km del so cursu. Antes d'abrir pa formar el delta na badea de Norton, el so anchor ye de casi dos quilómetros y mediu.
La metá del cursu del ríu trescurre por Alaska (Estaos Xuníos), y el restu pel Territoriu del Yukón —el territoriu canadiense al que da nome— y Columbia Británica. Ye'l ríu más llargu d'Alaska y foi unu de los principales medios de tresporte mientres la fiebre del oru del Klondike, ente 1898 y 1899.
Yukón, en gwich'in, significa «gran ríu». El ríu llámase Kwiguk, o gran corriente en yupik. D'antiguo, conocíase como ríu Lewes al cursu cimeru del Yukón, dende'l llagu Marsh hasta la confluencia del ríu Pelly en Fort Selkirk.
El tramu canadiense conocíu como «The Thirty Mile», dende'l llagu Laberge hasta la confluencia del ríu Teslin, d'aproximao 48 km, foi declaráu en 1991 integrante del Sistema de ríos del patrimoniu canadiense.
En 2017 el ríu sufrió un cambéu sópitu nel so corriente frutu del destemple d'un glaciar, según paez efeutu del cambéu climáticu.[1]