La Sablera San Llorienzu[1] o l'Arenal de San Pedro alcuéntrase en plenu centru de la ciudá asturiana de Xixón. Con una llonxitú de 1550 metros y forma de concha, ye una de les playes más emblemátiques d'Asturies. Prollóngase dende la escalera 0 (La Cantábrica), asitiada tres la Ilesia de San Pedro, hasta la escalera númberu 16 (zona popularmente conocida como El Tostaderu), na boca del ríu Piles. Por embargu, allárgase un pedreru per más de trescientos metros más hasta'l Mayán de Tierra, algamando una llonxitú total d'unos 1,8 km. Paralela a ella discurre'l Paséu d'El Muro, que continúa hacia L'Este más allá de la propia playa cola conocida sienda costera d'El Cervigón, un percorríu marítimu de más de 2 quilómetros que coneuta otres sableres como la d'El Rinconín o la de Peñarrubia.
| Sablera de San Llorienzu | ||
|---|---|---|
 | ||
  | ||
| Carauterístiques xenerales | ||
| Llonxitú | 1.500 m. a 1.800 m | |
| Anchor mediu | Variable (40 - 100 m.) | |
| Grau ocupación | Mui Alta | |
| Grau urbanización | Mui Alta | |
| Carauterístiques específiques | ||
| Tipu de playa | Urbana | |
| Composición | Sustratu arenosu | |
| Tipu sable | Roxo | |
| Condiciones bañu | Folaxe Moderáu a Fuerte | |
| Seguranza | ||
| Equipu de vixilancia | Sí | |
| Señalización de peligru | Sí | |
| Policía llocal | Sí | |
| Equipu salvamentu | Sí | |
| Accesibilidá | ||
| Accesible a discapacitaos | Sí | |
| Tipu d'accesu |
Fácil | |
| Señalización d'accesu | Sí | |
| [editar datos en Wikidata] | ||
Carauterístiques y condiciones de bañu
Caracterízase por una sable fino y roxo, y por un agua de bona calidá. El folaxe ye moderáu/fuerte, estremándose trés zones de bañu diferenciaes y vixilaes por socorristes: La Escalerona (escalera 4), Centru (escaleras 7-8) y Piles (escalera 12). Normalmente la zona de La Escalerona ye la que presenta meyores condiciones de folaxe pal bañu. La gran amplitú de las marees que se da nesta sablera condiciona muncho'l so anchor.
Servicios
La so alta ocupación y la so llocalización en plenu centru urbanu garanticen tou tipu de servicios: Duches, llavapiés, alquiler de tumbones y hamaques, guardarropa, taquielles, aseos, fontes d'agua, etc.
Cuenta con serviciu de salvamentu. Dende principios de mayu ofrez vixilancia fines de selmana y festivos; dende 1 de xunu hasta'l 30 de setiembre de contino n'horariu de 10:00 a 21:00 hores. La central de salvamentu alcuéntrase instalada na escalera númberu 12 y cuenta con serviciu de megafonía y información, emitiendo partes meteorolóxicos y del estáu de la mar cada hora. Nel mesmu edificiu de servicios alcuéntrase'l llar de la Policía Llocal.
Hai tamién una Oficina de Turismu a la altura de la escalera 4.
Deportes
La playa ta preparada pal volley-playa, con dos pistes na escalera 15, y el fútbol playa, que se practica a l'altura de la escalera 4 (conocida popularmente como La Escalerona) cuando la marea lo permite. Otros deportes marítimos como'l surf, kayak de mar o windsurf tamién tienen llugar na Playa San Llorienzo.
Reconocimientos
Nel branu del añu 2010 isóse pela primer vez la bandera "Ecoplayas"[2] que foi consiguida de nuevo pa la temporada 2011.[3] Tamién pal añu 2011 algamóse'l reconocimientu "Q" de Calidá Turística.[4]
Ver tamién
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
