Trabada (Lugo)
conceyu gallegu de la provincia de Lugo From Wikipedia, the free encyclopedia
Trabada ye un conceyu de la provincia de Lugo, en Galicia (España), que pertenez a la comarca de la Mariña Occidental, con capital en Ribadeo. La so población ye de 1107 hab. (2023)[1][2].
| Trabada | |||||
|---|---|---|---|---|---|
 | |||||
| |||||
| Alministración | |||||
| País |  España | ||||
| Autonomía |  Galicia | ||||
| Provincia |  Provincia de Lugo | ||||
| Tipu d'entidá | conceyu de Galicia | ||||
| Capital |
Trabada (es)  | ||||
| Alcaldesa de Trabada (es) | Mayra García Bermúdez | ||||
| Nome oficial | Trabada (gl) | ||||
| Xeografía | |||||
| Coordenaes | 43°26′50″N 7°11′39″W | ||||
 | |||||
| Superficie | 82.71 km² | ||||
| Llenda con | A Pontenova, Riotorto, Lourenzá, Barreiros, Ribadeo, A Veiga y San Tiso d'Abres | ||||
| Altitú media | 571 m | ||||
| Demografía | |||||
| Población | 1107 hab. (2023) | ||||
| Densidá | 13,38 hab/km² | ||||
| Más información | |||||
| Estaya horaria | UTC+01:00 | ||||
| trabada.gal | |||||
 | |||||
Trátase d'un conceyu de 82,7 km² que s'atopa ente los conceyos gallegos de Ribadeo, Barreiros, Lourenzá, Riotorto y A Pontenova y los asturianos de San Tiso d'Abres y d'A Veiga, de la que ta a 15 km.
La so xeografía ye abondo accidentada yá que tá asitiada ente montes que lleguen a superar los 750 m. na Serra da Caldeira col altu de Cerrochán (776 m.) como puntu más altu del conceyu, fechu que contrasta colos 5 m. d'altitú que presenta nel valle del ríu Eo a l'altura de Ría d'Abres, una de les sos parroquies y aú ye perceptible l'influxu de les marees. Ye por esa razón que la ría del Eo yera nomada tamién Ría d'Abres. Ye esti ríu el que fai gran parte de la llende ente esti municipiu ya Asturies, inda qu'al sur de Vilarbetote y Trabadela alcuéntrase la parte del conceyu de San Tiso d'Abres que tá situada al oeste del ríu Eo, onde ye enteramente asturianu. La hidrografía del conceyu compleméntase con dellos afluentes Trabada y Vilapena y tá incluyíu dientro la Reserva de la Biosfera Oscos Eo e Terras de Burón.
El clima ye'l típicu de la rexón, un clima atlánticu u oceánicu ensin munches variaciones de temperatura, con una amplitú térmica reducida. La so proximidá al mar fai que nun atopemos dellos rasgos significativos de continentalidá.
Dende'l puntu de vista de les comunicaciones, l'exe viariu tá formáu pola N-640, que la comunica con Lugo ya A Veiga y la carretera provincial LU-132 ente Leirado (Ría de Abres) y Vilanova (Lourenzá), pasando pola capital del municipiu.
Como tolos conceyos asitiaos na comarca, el municipiu presenta un poblamientu espardíu y ta dividíu ente parroquies, que nesti casu son les siguientes:
- A Fórnea (Santo Estevo), col llugar del mesmu nome y que malapenes supera los 100 habitantes.
- A Ría de Abres (Santiago), con cuasique 200 habitantes repartíos ente ocho entidaes menores: O Acevedo, A Boca de Canle, A Casanova, O Follabal, Leirado, Pacios, Pedrido, A Rabexa, San Martiño, A Veiga y Vilafernando.
- Sante (San Xiao), con unos 280 habitantes y una dispersión estrema ente 30 entidaes: O Barreiro, Carballal, A Casanova, O Castro, O Cómaro Gordo, Dongo, A Forcada, A Igrexa, As Lamas, Lendecoira, Loureiro, Louro, Lousada, Margaride, O Monte, A Mota, Olgueira, O Pedregal, Pedroselle, Pena Cova, Pena Quente, Piago Negro, Prado, O Rego, A Retorta, Río Trabada, Santarredeiro, Sueiro, Trabadela y Vilarbetote.
- Trabada (Santa María), la parroquia de mayor númberu d'habitantes, con unos 500, repartíos ente los siguientes llugares: A Abaira, Barreiros, A Cabana, A Cachopa, Canle, O Carballo, O Chao do Sevil, O Chao dos Nabais, Cima de Vila, Cotarelo, O Coto, Covacho, A Ermida, A Escanarega, Espín, Fondo de Vila, Fontán, Foxos, A Granxa, A Lagoa, Lamelas, As Lóngaras, Mozandeo, Muín Queimado, A Órrea, O Outeiro, O Pacio, O Parladoiro, Paucabaleiro, A Penela, O Pibidal, Ponte Gorda, O Pontigal, O Porto do Malle, Redondo, Rego Rubio, A Ribela, O Río, Santo Estevo, Soenlle, Trabada, A Trapa, A Veiga, O Vilar y Xuga. Ye aú s'atopa la capital del conceyu.
- A Valboa (Santa María Madanela), con 130 habitantes dispersos ente 13 llugares: Biduedo, As Cabanas, Os Carrís, O Casal, A Corredoira, A Igrexa, A Lavandeira, Os Pozos, Rego Corto, Rego do Galo, O Salgueiro, Sequeiro y Vilafernando.
- Vidal (San Mateo), con 75 habitantes repartíos en dellos 10 llugares: O Campo, Carril, O Castro, A Choza, Cima de Vila, Portela, Requeixo, Soutillán, Trástigos y O Val das Eguas.
- Vilaformán (San Xoán), parroquia d'unos 60 habitantes y 17 llugares: A Carreira Chá, A Grandela, A Igrexa, O Murio de Arriba, Naraído, O Outeiro, O Pé da Viña, A Pereira Parda, O Real, Rodriguelo, O Roxo Seco, Suasribas, A Veiga, Ventoso, Vilachá, Vilasuso y Vilaxusá.
- Vilapena (Santiago), con unos 80 habitantes y dos llugares: O Bargo e Vilapena.
Na toponimia ye interesante'l fechu de que, magar seya una zona que dialeutalmente tá incluyía dientro'l gallegu oriental, aínda atopamos dellos topónimos que tán más rellacionaos coles formes asturianes eonaviegues que coles formes gallegues estándares, cosa que nun ye d'estrañar, siendo como ye, un llugar de frontera alministrativa ente Galicia y Asturies. Ye'l casu de nomes de llugar como Espín (y non «Espiño»), A Órrea, o Muín (Molín y non «muiño») Queimado.
El so nome vien del llatín Tabulata y ye ún de los topónimos alcontraos nel diploma del rei Silu del añu 775 en que esti dona una serie de terrenos asitiaos ente los ríos Eo y Masma pa construyir ellí un monesteriu nomáu Samartín d'Esperautano, del que nun queden restos.
- Pa ver otros sitios col mesmu nome: Trabada
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
