Unicorniu rosa invisible
From Wikipedia, the free encyclopedia
La Unicorniu rosa invisible ye la diosa d'una autodenomada relixón, siendo en realidá una sátira o asonsaña dirixida contra les creencies teístes. Tien que ver cola noción de qu'esta diosa toma la forma d'una unicorniu que ye, paradóxicamente, invisible y rosa coles mesmes.
Considérase que nun hai persones que crean realmente nesta diosa, pero convirtióse nun fenómenu popular asonsañar que se cree nella, especialmente nes páxines webs sobre ateísmu y en foros virtuales d'alderique, por humor y como forma de crítica o sátira contra les creencies relixoses. Esti oficiu de fe sorraya la idea de que ye difícil refutar declaraciones de creencia en fenómenos que tán fora de la perceición humana. [1][2]
Los allegaos al ateísmu, al agnosticismu o los antiteístas, utilicen la parodia d'El Unicorniu Rosa Invisible pa remarcar lo sonce y arbitrario que son los convencimientos basaos no sobrenatural –por casu, reemplazando la pallabra "Dios" en cualquier declaración teísta con "unicorniu rosa invisible"–. Una cita del grupu d'Usenet alt.atheism resume esti usu:
La idea detrás d'esto ye recordar al teísta que'l so discursu va ser reparáu polos ateos probablemente cola mesma credibilidá y seriedá que'l de los ateos predicando sobre l'Unicorniu Rosa Invisible...