Universidá de Columbia
From Wikipedia, the free encyclopedia
La Universidá de Columbia na Ciudá de Nueva York (n'inglés, Columbia University in the City of New York), comúnmente conocida como la Universidá de Columbia, ye una universidá privada d'Estaos Xuníos allugada nel Altu Manhattan, Nueva York. Anguaño ye considerada como una de les universidaes mas prestixoses del mundu.[1][2][1]
Universidá de Columbia | |
---|---|
Columbia University | |
Situación | |
País | Estaos Xuníos d'América |
Estaos | Nueva York (estáu) |
Ciudá | Nueva York |
Borough | Manhattan |
Coordenaes | 40°48′27″N 73°57′43″W |
Datos | |
Tipu | universidá privada |
Fundación | 1754 |
Alumnos | 33 413 (ochobre 2019) |
Emplegaos | 20 861 |
Miembru de | Ivy League, Digital Library Federation (es) , LIGO Scientific Collaboration (es) , Conferedación de Repositorios de Acceso Abierto (es) , National Consortium for Teaching about Asia (en) , Consortium of Social Science Associations (en) , New York Genome Center (es) , Dryad (en) , ArXiv, The Research Collections And Preservation Consortium (en) , Asociación d'Universidaes Americanes, Association of American Colleges and Universities (en) , American Council on Education (es) , National Humanities Alliance (en) , Higher Education Leadership Initiative for Open Scholarship (en) , Coalition for Networked Information (es) , Center for Research Libraries (es) y Coalición de publicaciones académicas y recursos académicos (es) |
Propietaria de | fathom.com (en) , Hal Robertson Field at Phillip Satow Stadium (en) , Robert K. Kraft Field at Lawrence A. Wien Stadium (en) , WKCR-FM (en) , Portrait of a foreign admiral (en) , Arden (es) y Lamont–Doherty Earth Observatory (es) |
Web oficial | |
Ye unu de los miembros de la Ivy League. Ye la institución d'educación cimera más antigua del estáu de Nueva York, la quinta más antigua d'Estaos Xuníos, y unu de los nueve colexos coloniales fundaos antes de la Revolución Americana. Na actualidá la Universidá de Columbia opera nel estranxeru colos Centros Globales de Columbia con sedes en Amán, Beixín, Istambul, París, Bombay, Rio de Janeiro, Santiago de Chile y Nairobi.
La universidá foi fundada en 1754 como "Colexu del Rei" (King's College en idioma inglés) por carta real de Xurde II de Gran Bretaña. Dempués de la Guerra de la Revolución Americana , el Colexu del Rei convirtióse de volao nuna entidá estatal, y pasó a llamase Universidá de Columbia en 1784. La universidá agora opera so un estatutu creáu en 1787 qu'asitia a la institución so un conseyu priváu d'alministración. Esi mesmu añu, el campus de la universidá foi treslladáu de l'Avenida Madison al so allugamientu actual nel Morningside Heights (Manhattan), nel qu'ocupa más de seis manzanes de la ciudá, aproximao 32 acres (0,129 km² ). La universidá toma venti escueles y ta afiliáu con numberoses instituciones, ente elles el Colexu de Profesores, Barnard College y la Xunión de Seminarios Teolóxicos, con programes de llicenciatura conxuntos disponibles al traviés del Seminariu Teolóxicu Xudíu d'América, según la Escuela Juilliard.
Al igual que Harvard y Stanford, Columbia ye una de les universidaes mas selectives de los Estaos Xuníos, con un porcentaxe añal d'almisión del 6%. Columbia alministra añalmente'l Premiu Pulitzer. Cuenta con 96 premiu Nobel y, a partir de 2011, tenía más alumnos ganadores del Premiu Nobel que cualesquier otra institución académica nel mundu. La universidá ye unu de los catorce miembros fundadores de l'Asociación d'Universidaes Americanes y foi la primer escuela nos Estaos Xuníos en conceder el títulu de médicu. Los alumnos notables de la universidá inclúin nueve xueces de la Corte Suprema de los Estaos Xuníos, 20 multimillonarios vivos; 26 ganadores de los Premiu Óscar; y 29 Xefe d'Estáu, ente ellos trés Presidentes de los Estaos Xuníos.