Wii Sports
From Wikipedia, the free encyclopedia
Wii Sports (Wii スポーツ, ''Wii Sports''?) ye un videoxuegu de deportes, desenvueltu y producíu por Nintendo como títulu de llanzamientu pa la videoconsola Wii, y parte de la serie Touch! Generations.[1] Foi llanzáu n'América del Norte xunto cola consola'l 19 de payares de 2006, y foi llanzáu en Xapón, Australia y Europa al mes siguiente. El xuegu vien incluyíu cola compra de la consola en tolos territorios sacante en Xapón,[2] faciéndolo'l primer xuegu vendíu en xunto col llanzamientu d'una consola de Nintendo dende Mario's Tennis para Virtual Boy en 1995.
Wii Sports | ||||
---|---|---|---|---|
Desendolcador | Nintendo Entertainment Analysis and Development | |||
Distribuidora | Nintendo | |||
Compositor | Kazumi Totaka | |||
Plataforma | Wii | |||
Publicación |
19 payares 2006 (América del Norte) 2 avientu 2006 (Xapón) 7 avientu 2006 (Australasia) 8 avientu 2006 (Europa) | |||
Serie | Wii (en) y Wii Sports | |||
Xéneru | videoxuegu de deportes | |||
Mou | multixugador, un xugador y hotseat (en) | |||
Preséu d'entrada | Wii Remote | |||
Clasificaciones | ||||
CERO | Toos | |||
ESRB | Toos | |||
PEGI | PEGI 7 | |||
USK | USK 0 | |||
Más información | ||||
Páxina web oficial | wiisports.nintendo.com | |||
| ||||
El xuegu ye un simulador de cinco deportes, diseñáu pa demostrar les capacidaes inalámbricu y sensorial del mandu de Wii a los nuevos xugadores. Los cinco deportes incluyíos son tenis, béisbol, bolos, golf y boxéu. Los xugadores usen el mandu de la consola p'asonsañar los movimientos fechos na vida real nesos deportes, como mover una raqueta de tenis.[3] Les regles de los xuegos tán simplificaes pa faeles más accesibles a los nuevos xugadores.[2] El xuegu tamién inclúi una manera d'entrenamientu que monitoriza el progresu del xugador nos deportes.[4]
Polo xeneral, Wii Sports recibió bones crítiques y recibió numberosos premios provenientes de la crítica y d'asociaciones de xugadores. Ye'l videoxuegu meyor vendíu tocantes a consoles, y el segundu de tola historia, habiendo vencíu al anterior posesor d'esti récor, Super Mario Bros., para NES, en 2009.[5] Hasta'l 28 de xineru de 2011, vendiérense 75,66 millones de copies en tol mundu.[6] Wii Sports apaeció múltiples vegaes en televisión, yá sía n'anuncios de Wii, reportaxes y otros programes.[7][8][9][10] El xuegu convirtióse nun mediu popular pa xuntes sociales y suélense faer competiciones ente xugadores de distintes edaes.[8][11][12] El xuegu tuvo una secuela, llamada Wii Sports Resort, que salió a la venta en 2009.