Xeroglíficos exipcios
sistema de escritura qu'usaben los antiguos exipcios / From Wikipedia, the free encyclopedia
Los xeroglíficos fueron un sistema d'escritura inventáu polos antiguos exipcios. Foi utilizáu dende la dómina predinástica hasta'l sieglu IV. Los antiguos exipcios usaron tres tipos básicos d'escritura: xeroglífica, hierática y demótica; esta postrera correspuende al Periodu tardíu d'Exiptu.
Ye un sistema complexu, una escritura coles mesmes figurativo, simbólica y fonética, nun mesmu testu, una mesma frase, práuticamente casi diría nuna mesma pallabra.
Pues collaborar con Wikipedia fusionando esti artículu con Xeroglíficu. |
Tipos | sistema d'escritura, sistema d'escritura logográficu, alfabetu de caxa única y sistema d'escritura natural |
---|---|
Llingües | exipcianu |
Dates | 3200 edC |
ISO 15924 | Egyp (050) |
Direición del testu | de derecha a izquierda y d'izquierda a derecha |
Estaya Unicode | 233hh hbsj2l2[1] y U+13430-1343F[1] |
Carauterízase pol usu de signos, que'l so significáu conozse gracies al descifráu de los testos conteníos na Piedra de Rosetta, que foi atopada en 1799, na que ta grabáu un decretu en tres tipos d'escritura: xeroglífica, demótica y griega uncial. Consiguióse descifrar esti documentu gracies a los estudios realizaos por Thomas Young y, fundamentalmente, a Champollion quien llogró descifrar el métodu de la so llectura en 1822, 23 años dempués de ser afayada la piedra.
Por estensión, tamién se dio'l nome de signu xeroglíficu a dalgunos de los grafemes de la escritura cuneiforme y otres. La razón ta en qu'esos pocos signos nun usaríen el principiu fonéticu, sinón el principiu ideográficu de representación de la escritura.