Xuegos Olímpicos de Sarayevu 1984
From Wikipedia, the free encyclopedia
Los Xuegos Olímpicos de Sarayevu 1984, oficialmente conocíos como los XIV Xuegos Olímpicos d'Iviernu, fueron un eventu multideportivu internacional celebráu en Sarayevu, Bosnia-Herzegovina, Yugoslavia, ente'l 8 y el 19 de febreru de 1984. Nesta edición participaron 1.272 atletes —998 homes y 274 muyeres— de 49 comités olímpicos nacionales, que compitieron en 39 eventos de 10 deportes.
Xuegos Olímpicos de Sarayevu 1984 | ||||
---|---|---|---|---|
Xeneral | ||||
Tipu de competición | Xuegos Olímpicos d'Iviernu | |||
Deporte | deporte d'iviernu | |||
País | República Federativa Socialista de Yugoslavia | |||
Historia | ||||
Desapaición | 19 de febreru de 1984 | |||
Competición | ||||
Participantes |
49 estáu nos Xuegos Olímpicos 1272 Atleta Olímpico (es) | |||
| ||||
Web oficial | ||||
La XIV Olimpiada d'Iviernu foi la primera entamada nun estáu socialista, ensin cuntar l'eventu de branu en Moscú 1980. La mayoría de competencies tuvieron llugar en cuatro estaciones de monte de los Alpes Dináricos —Bjelašnica, Jahorina, Igman y Trebević—, ente que na capital bosnia atopábense l'estadiu olímpicu y los pabellones cubiertos. A pesar de que les pruebes d'esquí sufrieron retrasos por culpa del mal tiempu, considérase que los XX.OO. de Sarayevu 1984 fueron un ésitu organizativo, a diferencia de #asoceder na edición anterior.[1][2]
A nivel deportivu, Alemaña Oriental encabezó'l medayeru con 24 preseas —9 oros, 9 plates y 6 bronces—, magar la Xunión Soviética llogró un metal más (25). Hubo xestes como los trés oros de Marja-Liisa Hämäläinen n'esquí de fondu; la victoria de Michela Figini n'esquí alpín con tan solo 17 años; la plusmarca mundial de Karin Enke en patinaxe de velocidá, y l'exerciciu perfectu de Christopher Dean y Jayne Torvill na final de danza sobre xelu.[3][4][5][6] Amás, la selección de la URSS retomaría'l dominiu mundial n'ḥoquei sobre xelu.[7]
El legáu de los Xuegos Olímpicos sirvió pa modernizar Sarayevu, convertir los Alpes Dináricos nun destín turísticu y desenvolver los deportes d'iviernu na península balcánica. Sicasí, ocho años dempués de la so celebración produció la disolución de Yugoslavia y l'españíu de la guerra de Bosnia (1992-1995), pola que bona parte de les sedes resultaron estropiaes.[8]