Xúpiter (mitoloxía)
dios romanu / From Wikipedia, the free encyclopedia
Xúpiter (en llatín: Iuppiter), tamién llamáu Jove (Iovis), ye'l principal dios de la mitoloxía romana, padre de dioses y d'homes (pater deorum et hominum). El so equivalente griegu ye Zeus (en griegu antiguu Ζεύς Zéus). Los sos atributos son l'águila, el rayu, y el cetru.
Xúpiter | ||
---|---|---|
Información | ||
Sexu | masculín | |
Cónxuxe | Juno (es) | |
Padres | Saturno (es) Ops (es) | |
Fíos | Vulcano (es) , Diana (es) , Hércules (es) , Baco (es) , Juventas (es) , Marte (es) , Belona (es) , Minerva, Apollo (en) , Hiarbas (es) , Mercurio (es) y Proserpina (es) | |
Familiares | Juno (es) , Vesta (es) , Plutón (es) , Neptunu y Ceres (es) | |
[editar datos en Wikidata] |
Na actualidá, el dios Xúpiter ye adoráu por grupos relixosos de reconstruccionismo paganu como'l Camín Romanu a los Dioses, Nova Roma, ente otros, que busquen la renovación de la relixón romana antigua.[1][2]
Fíu de Saturnu y Ops, Xúpiter foi la deidá suprema de la tríada capitolina, integrada amás pola so hermana y esposa, Juno, y pola so fía, Minerva.
El cultu a Xúpiter, de probable orixe sabín, foi introducíu en Roma por Numa Pompilio.[3] Nel mayor templu romanu, construyíu nel so honor na llomba Capitolina, foi veneráu como Iuppiter Optimus Maximus (‘Xúpiter, el meyor y más grande’), proteutor de la Ciudá y del Estáu romanu, de quien emanan l'autoridá, les lleis y l'orde social. Cicerón llámalu numen praestantissimae mentis, «la estelante presencia d'una mente suprema».[4]
Mientres la República, yera la divinidá a la que'l cónsul dirixía les sos plegaries al empecipiar el so mandatu.[5] Nel Imperiu, cola introducción del cultu imperial, Xúpiter dexó de ser la única personificación del máximu grandor, anque dellos emperadores fixéron-y el so dios tutelar, o bien s'incorporaron a sigo mesmos los sos atributos. César Augusto dicía tener suaños unviaos direutamente per Xúpiter.[5] Calígula fíxose llamar Optimus Maximus, y comunicó, por aciu una ponte, el so palaciu, nel monte palatín col Templu de Xúpiter Capitolino.[5]