Nieve

La nieve^[1] o ñeve^[2] ye una precipitación formada por agua qu'acostuma a producise n'iviernu en llugares con cierta altitú (raramente a nivel del mar).

Nieve
mena de fenómenu meteorolóxicu
Precipitación y material

Cristal de nieve, vistu al microscopiu.

Ye un fenómenu meteorolóxicu consistente na precipitación de pequeños cristales de xelu. Los cristales adouten formes xeométriques frautales y agrúpense en falampos. Yá que ta ensamada por pequeñes partícules crespes, ye un material granular. Normalmente tien una cadarma abierta y suave, esceutu cuando ta comprimida pola presión esterna.

La ñeve fórmase davezu, cuando'l vapor d'agua esperimenta una alta deposición na atmósfera a una temperatura menor de 0º C. y postreramente cai na tierra. La ñeve tamién se puede fabricar usando cañones, ye lo que se denoma ñeve artificial.

Nos pueblos nórdicos, faen usu de barayones, mena de raquetes pa caminar pela ñeve.

Les nevaes inesperaes a vegaes deterioren les infraestructures ya torguen los servicios, inclusive nes rexones nes que tan avezaos a elles. El tráficu pue empantabellase, quedando los vehículos allancaos, o producise accidentes graves pola mor del llaz nes carreteres (capa de xelu). Nes zones de monte, la ñeve suel argayar y les carreteres puen quedar tapecíes per aciu de los ábanos. Les infraestructures básiques como eleutricidá, teléfonu y gas natural tamién puen vese afeutaes. Cuando l'acumulación de ñeve ye descomanada, a vegaes tarda abondo en fundise, faciéndose d'esti mou les cembes o neveros.

Tipos

Nomes

• Falampu o Falopu; porción grande de les que cayen al nevar.
• Falispu; porción pequeña de ñeve.
• Fallusca; ñeve menudo y suelto.

Precipitación de la ñeve

• Xarazar:Precipitación en forma de piedra o xarazu (granizu).
• Xarabatu:Tormenta de Lluvia y ñeve al mesmu tiempu.
• Trapiar: Cayer falampos o trapos, nevar muncho.
• Nevisca:Precipitación de ñeve menudo que cai mecío con agua.

• 
  Paisaxe neváu
• 
  Valtavaara, Kuusamo, Norte de Finlandia
• 
  Tren atrapáu pola ñeve (Minesota, 29 de marzu de 1881)
• 
  Deportes na ñeve.