6 Cassiopeiae
From Wikipedia, the free encyclopedia
Remove ads
6 Cassiopeiae (6 Cas)[7] ye una estrella na constelación de Cassiopeia de magnitú aparente +5,43. Demasiáu alloñada pa midir la so distancia per aciu paralax, envalórase que s'atopa a unos 8100 años lluz del Sistema Solar. Ye una de les estrelles más lluminoses de la Vía Lláctea, comparable con Deneb (α Cygni). Ye miembru de l'asociación estelar Cas OB5, de la que formen parte tamién ρ Cassiopeiae y PZ Cassiopeiae.
6 Cassiopeiae ye una superxigante blanca de tipu espectral A3Ia que la so lluminosidá ye aproximao 195.000 vegaes mayor que la del Sol. El so radiu ye 170 vegaes más grande que'l radiu solar; asitiada nel llugar del Sol, englobaría nel so interior la órbita de Venus. Xira sobre sigo mesma con una velocidá de rotación proyeutada de 39 km/s.[8] Dende la so superficie a 9330 K,[9] pierde materia al traviés d'un fuerte vientu estelar qu'algama los 180 km/s.[10] Como otres estrelles de les sos carauterístiques, 6 Cassiopeiae ye una variable Alfa Cygni que la so variación de rellumu ye de 0,11 magnitúes. Tocantes a estrella variable, recibe la denominación de V566 Cassiopeiae.[11]
La masa de 6 Cassiopeiae envalórase en 25 mases solares y, como correspuende a estrelles tan masives, la so evolución ye bien rápida. La so edá ye d'apenes 6,4 millones d'años y va acabar esplotando como una espectacular supernova, formando'l nucleu remanente una estrella de neutrones.[10]
A 1,4 segundos d'arcu de 6 Cassiopeiae puede reparase una estrella de magnitú +8,2 y tipu A2. Si dambes formen un verdaderu sistema binariu, la separación ente elles sería de siquier 3500 UA.[10]
Remove ads
Referencies
Wikiwand - on
Seamless Wikipedia browsing. On steroids.
Remove ads