Agence France-Presse
From Wikipedia, the free encyclopedia
Remove ads
Agence France-Presse (AFP) ye una axencia de noticies internacional francesa con sede en París, Francia. Los sos oríxenes remonten a 1835, cuando se fundó como Havas, l'axencia de noticies más antigua del mundu. N'agostu de 1944, tres la lliberación de París, reorganizóse como Agence France-Presse p'asoceder a Havas.[1]
La misión d'AFP ye proporcionar una información rápida, completa, imparcial y verificada de los acontecimientos globales en tolos campos y formatos, incluyendo videu, fotografía, testu, infografía y audiu.[2] Recueye, verifica, contrasta y distribúi información en forma neutral, afayaíza pal usu direutu por tolos tipos de medios de comunicación (radio, televisión, prensa, sitios web). Sirve tamién como fonte y serviciu d'alerta pa grandes compañíes y alministraciones públiques.
AFP opera una de les redes de corresponsales más estenses del mundu. Con 2.400 emplegaos que representen 100 nacionalidaes, caltién presencia editorial en 260 ciudaes de 150 países.[3] Les sos principales sedes rexionales tán en Nicosia, Ḥong Kong, Washington, D.C. y Montevidéu. La axencia publica noticies, vídeos, semeyes y gráficos en francés, inglés, árabe, portugués, castellanu y alemán. Dos tercios de los sos ingresos xenérense por actividaes comerciales, ente que'l terciu restante fináncialo'l gobiernu francés (113 millones € en 2022) como compensación pola so misión d'interés xeneral.[4]
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads