Albandi

Albandi^[2] ye una de les doce parroquies del conceyu asturianu de Carreño.

Albandi
Alministración
País	España
Autonomía	Principáu d'Asturies
Provincia	provincia d'Asturies
Conceyu	Carreño
Partíu xudicial	Xixón
Tipu d'entidá	parroquia d'Asturies
Códigu postal	33492
Xeografía
Coordenaes	43°33′46″N 5°44′19″W
Albandi Albandi (Asturies)
Superficie	1.82 km²
Altitú	78 m[1]
Llenda con	Carrió, Perlora, Priendes y Prevera
Demografía
Población	668 hab. (2020)
Porcentaxe	6.51% de Carreño
Densidá	367,03 hab/km²
Viviendes	475 (2001)
Más información
Estaya horaria	UTC+01:00

Tien una superficie de 1,82 km²^[3], polo que ye la parroquia más pequeña del conceyu. Tien una población de 668 habitantes (2020)^[4].

Situación y comunicaciones

La parroquia d'Albandi asitiase na fastera nororiental del conceyu, llendando col mar Cantábricu al norte y coles parroquies carreñines de Perlora, Priendes y Carrió.

La distancia media con Candás, capital del conceyu, ye d'unos 3,95 km (siendo'l nucleu más cercanu El Monte Morís a 3,30 km y el más llonxanu la urbanización de Xibares, a 4,60 km).

Pue llegase dende Candás a Albandi en tren o per carretera:

• Llinia F4 "Xixón-Cuideiru" de FEVE, con apeaderu en Xibares.
• Carretera AS-239.

Xeografía

Llocalidaes

Nᵘ	Nome	Población	% población Albandi
1	Barreres		n/d
2	Caicorrida		n/d
3	Calera		n/d
4	El Convento		n/d
5	La Granda		n/d
6	El Monte Calera		n/d
7	El Monte Morís		n/d
8	La Peruyal	4	0,60,6%
9	La Rica	27	4,044,04%
10	La Xana		n/d
11	Xibares		n/d

Sitios

• El Poblao
• El Pontón

Llugares d'interés

Ilesia de Santiago d'Albandi

La ilesia parroquial de Santiago d'Albandi alcuéntrase nel barriu La Rica.

Fue destruyía el 10 d'abril de 1936, nel trescursu d'enfrentamientos previos al iniciu la Guerra Civil Española, siendo l'Arcipreste de Carreño y rexidor de la parroquia Rosendo Mazuelas Arada. Los vecinos de la parroquia aconceyáronse el mesmu 20 de mayu y decidieron faer la construcción n'andecha. Inauguróse ensin denguna solmenidá nel añu 1940.

Arquitectónicamente, la ilesia ye una construcción cenciella d'una nave, onde destaca la espadaña y el corredor.

Dientro alcuéntrense les imáxenes de la Virxe de Santa Rita y de San Antón.

Sablera de Xibares

Esta sablera semiurbana d'arena blanca ye un sableru de 800 metros de llargo por 75 metros d'ancho, que se prollonga pa la vecina parroquia de Carrió hasta'l ríu Aboño, que sirve de frontera col conceyu de Xixón. Normalmente, el nivel d'ocupación de la sablera Xibares ye altu.

Tien merenderu, aparcamientu, y accesu pa minusválidos.^[5]

Fiestes

• 17 de xineru: San Antonio Abad, cola puxa'l ramu.
• 22 de mayu: Santa Rita.
• 25 de xunetu: fiesta patronal de Santiagu.
• Segundu domingu d'agostu: fiesta de la Sacramental.