Alberta
From Wikipedia, the free encyclopedia
Remove ads
Alberta ye una de les provincies de Canadá. Nel añu 2005 celebró'l centenariu de la so constitución en provincia coles visites riales de la reina Sabel del Reinu Xuníu y el Príncipe Felipe.
Alberta recibe'l so nome n'honor a la Princesa Lluisa Carolina Alberta (1848-1939), la cuarta fía de la Reina Victoria. La princesa foi la muyer de Sir John Campbell, el gobernador xeneral de Canadá de 1878 a 1883. El Llagu Louise, allugáu nel Parque Nacional de Banff y Jasper, tamién foi nomáu n'honor a la princesa Lluisa (Louise n'inglés).
Alberta ta asitiada na rexón occidental de Canadá. Llenda'l sur colos Estaos Xuníos, al oeste cola Columbia Británica, al este con Saskatchewan y al norte colos Territorios del Noroeste. La capital d'Alberta ye Edmonton. La ciudá más poblada, Calgary, ye'l centru económicu d'Alberta y allúgase na rexón suriega de la provincia. Otres ciudaes importantes son Banff, Camrose, Fort McMuray, Grande Prairie, Lethbridge, Lloydminster, Medicine Hat y Red Deer. La población total de la provincia ye superior a los tres millones; el 81% vive n'árees urbanes, y el 19% fasteres rurales.
Alberta ye'l productor más grande de petroleu y gas natural del país. Dos de les industries petroliegues más grandes América del Norte tan llocalizaes nel centru y norte de la provincia. En Red Deer y Edmonton fabríquense productos de polietilén y vinil que son esportaos per tol mundu.
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads