Alejandro M. Sinibaldi
From Wikipedia, the free encyclopedia
Remove ads
Alejandro Sinibaldi (1825, Ciudá de Guatemala – 1896, Ciudá de Guatemala) foi efímeramente Presidente de la República de Guatemala. Yera un empresariu guatemalianu d'ascendencia italiana y proveniente de la clase alta-media; persona sele y bien intelixente.[ensin referencies] Por ser el primer designáu a la presidencia de la República, correspondió-y la presidencia de Guatemala nos difíciles díes que siguieron a la muerte del presidente xeneral Justo Rufino Barrios na Batalla de Chalchuapa el 2 d'abril de 1885.[3]
Remove ads
Presidente interín de Guatemala
Sinibaldi Castro ocupó'l cargu de Primer designáu a la presidencia mientres el periodu entendíu a partir del 30 d'abril de 1884 al 20 de marzu de 1885.[4] Cuando finó'l Presidente de la República, el xeneral Justo Rufino Barrios na Batalla de Chalchuapa el 2 d'abril de 1885, Sinibaldi Castro asumió la Presidencia Interina de Guatemala, ratificáu pol Conseyu de Ministros.[5] Nun mensaxe por demás curtiu informó a los ciudadanos de la muerte del xeneral Barrios y solicitó el sofitu de toos pa la so presidencia interina; poco dempués, emitió un segundu decretu nel que dexaba al Ministru de la Guerra, xeneral Juan Martín Barrundia, qu'actuara como meyor conviniera a los intereses del país, ante ola de pasiones que se desamarró en conociéndose la muerte de Barrios.[6]
Ante los desórdenes que se taben amenando —hubo quien abasnaron pela cai la semeya del fináu xeneral Barrios y quien apuraben al xeneral Felipe Cruz qu'aprovechara'l gruesu del exércitu derrotáu en Chalchuapa pa tomar el poder— Barrundia alzóse como dictador militar y decretó l'estáu de sitiu ante lo cual los ciudadanos sollertaos [lower-alpha 1], recurrieron a l'Asamblea Nacional Llexislativa y al cuerpu consular por que mediara nel asuntu.[7] El cuerpu llexislativu, dirixíu por Ángel María Arroyo y Manuel Echeverría entró n'aición y decidió aceptar l'arrenunciu de Sinibaldi y del so gabinete en plenu y pidir al segundu designáu a la presidencia qu'ocupara la primer maxistratura;. la persona señalada yera'l xeneral Manuel Lisandro Barillas Bercián, xefe políticu de Quetzaltenango a quien de momentu salieron a buscar por que tomara les riendes del Estáu lo antes posible.[6]
Barillas llegó a la puerta del Campusantu Xeneral de Guatemala nel intre del sepelio del xeneral Justo Rufino Barrios y esixó a Juan Martín Barrundia —hasta pocos díes antes Ministru de Guerra de Barrios y principal candidatu a quedase na presidencia— que-y fora apurríu'l poder, aduciendo qu'un númberu regular de tropa venía con él, indicándo-y a Barrundia que la tropa taba acantonada a redoma de la ciudá.[6] La tropa de la cual falaba nun esistía y asina coló al Palaciu de Gobiernu p'asumir la primer maxistratura de la Nación.[6]
Cuando Barrundia entendió'l so error, yá yera tarde; decidió alloñar del país por un tiempu, yá que disponía de los medios necesarios pa ello, anque tornó a Guatemala en 1888, pa finalmente aniciase en Méxicu dende onde publicó folletos en contra del gobiernu de Barillas.[8]
Remove ads
Muerte
Sinibaldi Castro finó en 1896 y los sos restos fueron soterraos nel Campusantu Xeneral de la Ciudá de Guatemala.
Galería d'imáxenes
Juan Martín Barrundia, ministru de la Guerra de Justo Rufino Barrios y quien quixo alzase cola presidencia primiendo a Sinibaldi.
Semeya del xeneral Manuel Lisandro Barillas Bercián, quien se quedó na presidencia interina en sustitución de Sinibaldi Castro. Semeya de cerca de 1890.
Semeya de María Sinibaldi y Ramírez, una de les fíes de Sinibaldi Castro. Fotografía de cerca de 1890.
Ver tamién
Notes y referencies
Wikiwand - on
Seamless Wikipedia browsing. On steroids.
Remove ads