Alessandro Nivola

Alessandro Antine Nivola (28 de xunu de 1972, Boston) ye un actor d'Estaos Xuníos. Ye conocíu poles sos actuaciones en Best Laid Plans, Jurassic Park III, Face/Off, The Eye y Goal!.

Alessandro Nivola
Vida
Nacimientu	Boston[1], 28 de xunu de 1972[2] (53 años)
Nacionalidá	Reinu Xuníu Estaos Xuníos Italia  (2023 -
Residencia	Nueva York
Llingua materna	inglés
Familia
Casáu con	Emily Mortimer (2003 – )
Fíos/es	2
Estudios
Estudios	Yale Phillips Exeter Academy (en)
Llingües falaes	italianu inglés
Oficiu
Oficiu	actor, actor de teatru, actor de televisión, actor de cine
Nominaciones	ver Premiu Tony al meyor actor de repartu nuna obra de teatru (2015)
Creencies
Relixón	ateísmu
IMDb	nm0005273

Biografía

Nivola nació en Boston (Massachusetts). El so padre, Pietro Nivola, yera un politólogu y la so madre yera una artista. El so güelu paternu foi l'escultor italianu Costantino Nivola y la so güela paterna, Ruth Guggenheim, yera una abellugada xudía d'Alemaña.^[3] Tien un hermanu llamáu Adrian. Nivola asistió a la Phillips Exeter Academy y más tarde llogró un diploma n'inglés na Universidá Yale.

Nivola ta casáu cola actriz Emily Mortimer con quien tien un fíu, Samuel, nacíu'l 23 de setiembre de 2003. Anguaño viven en Boerum Hill, Brooklyn, Nueva York.

Carrera

Nivola empecipió la so carrera mientres estudiaba en Yale, realizando'l papel principal nuna producción de la obra d'Athol Fugard Master Harold...and the Boys en Seattle. En 1995, depués de terminar los sos estudios universitarios, Nivola debutó en Broadway en Un mes nel campu xunto a Helen Mirren. Al añu siguiente, apaeció na miniserie de la NBC The Ring y llogró'l so primer papel cinematográficu en Inventing the Abbotts. Tamién foi escoyíu pa interpretar al hermanu del personaxe de Nicolas Cage na película de John Woo Face/Off.

En 1998, Nivola actuó xunto a Rachel Weisz nel filme I Want You, pal cual tuvo qu'adoptar un acentu inglés. Tamién apaeció en Best Laid Plans y Mansfield Park. En 2002, participó nel filme de Lisa Cholodenko Laurel Canyon.

Nivola ye conocíu poles sos actuaciones na triloxía de Goal! onde interpreta a Gavin Harris.

Filmografía

• The Neon Demon (2016)
• A Most Violent Year (2014)
• Selma (2014)
• Devil's Knot (2013)
• American Hustle (2013)
• Ginger & Rosa (2012)
• Janie Jones (2010)
• Howl (2010)
• Coco avant Chanel (2009)
• Who Do You Love? (2008)
• Five Dollars a Day (2008)
• The Eye (2008)
• The Girl in the Park (2007)
• The Company (2007, miniserie)
• ¡Goool! 2: Viviendo'l suañu (2007)
• Grace Is Gone (2007)
• The Darwin Awards (2006)
• The Sisters (2005)
• Goal! (2005)
• Junebug (2005)
• The Clearing (2004)
• Carolina (2003)
• Laurel Canyon (2002)
• Jurassic Park III (2001)
• Timecode (2000)
• Love's Labour's Lost (2000)
• Mansfield Park (1999)
• Best Laid Plans (1999)
• Reach the Rock (1998)
• I Want You (1998)
• Face/Off (1997)
• Inventing the Abbotts (1997)