Ankaa
From Wikipedia, the free encyclopedia
Remove ads
Ankaa ye'l nome propiu de la estrella α Phoenicis, la estrella más brillosa de la constelación del Fénix. Otros nomes que tamién recibe son Nair al-Zaurak, d'orixe árabe, que'l so significáu ye "el rellumu del barcu"; Cymbae o Llucida Cymbae, traducción llatina de l'anterior frase árabe; o tamién Cabeza del Fénix.[1] La so magnitú aparente ye de 2,37[2] y la so distancia a la Tierra ye d'unos 77 años lluz.[3]
Ankaa ye similar a munches de les estrelles visibles a güeyu nel cielu nocherniegu, siendo una estrella subxigante anaranxada de clase K0 III.[2] Esta clase implica una estrella de tamañu relativamente grande, con una masa d'unes 2,5 mases solares y unos 13 radios solares, amás d'una temperatura superficial de 4.800 K.[3] La so lluminosidá ye de 62 vegaes la del Sol, lo cual facer tener una magnitú absoluta de 0,52.
Na actualidá créese que s'atopa metanes una curtia anque estable fase de consumu de les sos reserves d'heliu del so evolución estelar; sicasí, esta fase nun va ser demasiáu llarga en términos astronómicos primero qu'espulse les sos capes esteriores dando llugar a una nebulosa planetaria y termine asina la so vida como una nana blanca.[3] Ye sabíu que tien una pequeña estrella compañera, polo que resulta ser un sistema binariu, orbitando a 1,7 UA de la estrella principal (una distancia similar a la que dixebra'l Sol de Marte), nun periodu de 10,5 años.[3]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads