Aqueniu

Aqueniu o aqueno ye un términu botánicu d'usu xeneralmente ambiguu —y cambiante nel tiempu— que, en tou rigor, tendría d'aplicase puramente a un frutu secu deriváu d'un ovariu supero, indehiscente, monocarpelar y cola grana non xuntada al pericarpiu, esti postreru, más o menos esclerificado.^[1][2]

Aqueniu: corte llonxitudinal esquemáticu

En sentíu estrictu, los frutos de les especies de la familia Asteraceae nun son aquenios —tal que vienen descritos de cutiu na lliteratura botánica— pos estos postreros son frutos que deriven d'un ovariu supero unicarpelar, y los frutos de dicha familia deriven toos d'un ovariu infero bicarpelar. Pa ellos, Charles-François Brisseau de Mirbel creo, en 1815, el términu cipsela (o cypsela, plural cypselae o cypselas),^[1] vocablu emplegáu sistemáticamente polos autores botánicos anglosaxones.