Arnold Schwarzenegger
From Wikipedia, the free encyclopedia
Remove ads
Arnold Alois Schwarzenegger (30 de xunetu de 1947, Thal (es) 
) ye un actor, empresariu, políticu y antiguu fisicoculturista profesional d'orixe austriacu y nacionalizáu ciudadanu d'Estaos Xuníos. Exerció como trentenu octavu gobernador del estáu de California en dos mandatos dende 2003 hasta 2011.[15]
Schwarzenegger empezó a entrenar con peses cuando tenía quince años, ganó'l títulu de Mr. Universu con venti y depués encadenó siete victories na competición de Mister Olympia ente 1970 y 1980. Sigue siendo un iconu d'esti deporte y escribió dellos llibros y artículos sobro la so práutica. L'eventu Arnold Sports Festival, que lleva'l so nome, ye consideráu una de les meyores competiciones de fisioculturismo de l'actualidá. Ye llargamente reconocíu como unu de los fisioculturistas más importantes de tolos tiempos y el so embaxador más carismáticu.[16]
Schwarzenegger ganó fama mundial a partir de la década de 1980 como iconu del cine d'aición de Hollywood. La so irrupción producióse como protagonista de la película épica d'espada y bruxería Conan the Barbarian (1982), un ésitu de taquilla que dio llugar a una secuela. En 1984 apaeció como villanu na esitosa Terminator (1984) de James Cameron, papel que retomó en delles secueles, especialmente na aclamada Terminator 2: el xuiciu final (1991). Protagonizó otros ésitos del cine d'aición y ciencia ficción como Comandu (1985), Depredador (1987), The Running Man (1987), Total Recall (1990), Last Action Hero (1993) y True Lies (1994).
Como candidatu Republicanu, Arnold Schwarzenegger foi investido el 17 de payares de 2003 gobernador del estáu de California; resultó reelixíu nes eleiciones para gobernador de California de 2006.[17] Completáu'l so mandatu en 2011, Schwarzenegger retomó la so carrera nel cine. Foi moteyáu'l Carbayu austriacu y el Carbayu d'Estiria nos sos díes de culturismu, Arnie mientres la so carrera como actor y más apocayá'l Governator —una contraición de Governor y Terminator—.[18]
Remove ads
Referencies
Enllaces esternos
Wikiwand - on
Seamless Wikipedia browsing. On steroids.
Remove ads