Arsenio Escolar

Arsenio Escolar Ramos (1957, Torresandino) ye un periodista español. Foi'l direutor del diariu gratuitu 20 minutos dende la so fundación hasta'l 26 de setiembre de 2017^[3] y el presidente de l'Asociación Española d'Editoriales de Publicaciones Periódiques (AEEPP).^[4]

Arsenio Escolar
Vida
Nacimientu	Torresandino, 1957[1] (67/68 años)
Nacionalidá	España
Familia
Fíos/es	Ignacio Escolar
Estudios
Llingües falaes	castellanu[2]
Oficiu
Oficiu	periodista, editing staff (en) , redautor en xefe, hispanista

Biografía

Ñacíu en Torresandino (Burgos) en 1957, estudió Periodismu y llicencióse en Filoloxía Hispánica na Universidá Complutense de Madrid. Ta casáu cola tamién filóloga, periodista y esperta en cantos llíricos Montse Román. Son pas del periodista Ignacio Escolar.

Trayeutoria

Entama la so carrera nel diariu profesional del maxisteriu Escuela Española. Trabayó como subdireutor d'El País, subdireutor de Cinco Días, direutor del diariu Claro, redautor xefe del diariu El Sol y direutor de Diario 16 de Burgos. Dirixó hasta setiembre de 2017 20 minutos.

Ye analista políticu en distintos medios. Participa na conxusta Los Almuerzos de TVE y en RNE.

Na seronda de 2018 publicó Archiletras, una revista fundada por él y dedicada a la llingua española, con ediciones en papel y dixital.^[5]

Llibros

• (2010) La nación inventada. Una historia diferente de Castilla.. Ed. Península. ISBN 978-84-9942-047-9.
• (2012) El justiciero cruel.. Ed. Península. ISBN 9788499421575.
• Arsénico sin compasión (una radiografía en verso de la actualidad española). Ediciones Península.
• Coautor con Montse Román de La golondrina enamorada y otros cuentos de La Alcarria. El Aleph Editores. 2012.

Premios

1. Premiu José María  de Cossío (1986).
2. Premiu Víctor de la Serna / Periodista del Añu (2006).
3. Premiu José Manuel Porquet de periodismu dixital (2007).
4. Premiu Talento Comunicativo de la Universidá Complutense (2012).

Ver tamién

• Ignacio Escolar
• 20 Minutos
• Periodismu
• El País