Asplenium trichomanes
especie de planta From Wikipedia, the free encyclopedia
Remove ads
El golondriyu[1] (Asplenium trichomanes) ye un felechu de la familia Aspleniaceae.
Remove ads
Descripción
Planta viviega, de tamañu bien variable (10-50 cm), con rizoma curtiu, escamosu, del que surden numberosos raigaños delgaos, duros, negros, y una serie de frondes, estrechos y llargos, col raquis tiesu, pardu escuru y brillosu. Llimbu linear, pinnáu una sola vegada, con 15-30(40) pares de segmentos ovales, un pocu irregulares, de cantos dentaos, más anchos los basales que los superiores. Soros lliniares. Los esporanxos maurecen a lo llargo de tol añu.[2]
Remove ads
Hábitat
Biligueres y resquiebros de roques y muries húmedes y visiegues.
- A. t. subsp. trichomanes prefier suelos acedos y arenisques , basaltu y granitu.
- A. t. subsp. quadrivalens prefier roques caliares y dolerita.
- A. t. subsp. pachyrachis alcuéntrase principalmente en roques caliares y muries.
Distribución
Europa y gran parte d'Asia nel sur hasta Turquía, Irán y l'Himalaya, con una población en Yeme. Apaez tamién nel norte, sur y partes del este d'África, nel este d'Indonesia, sureste d'Australia, Tasmania, Nueva Zelanda y Ḥawai. Alcuéntrase n'América del Norte y Centroamérica, en Cuba y nel norte y l'oeste de Suramérica.
Propiedaes
Indicaciones: ye emoliente, antiinflamatoriu, expectorante.[3]
Taxonomía
Asplenium trichomanes describióse por Carlos Linneo y espublizóse en Species Plantarum 2: 1080. 1753.[4]
El nome científicu del xéneru Asplenium fai referencia al usu terapéuticu que se daba a estes plantes mientres la Edá Media pa curar enfermedaes amestaes col bazu (murria, supuestamente, causada por escesu de fiel negro). Asina, Asplenium sería una adautación al llatín del griegu "splen" (bazu).
trichomanes: epítetu de la pallabra griega: τριχομανεϛ, trichomanes que ye'l nome griegu pa los felechos.[5]
- Variedaes
- Asplenium trichomanes L. subsp. trichomanes
- Asplenium trichomanes L. subsp. quadrivalens
- Asplenium trichomanes L. subsp. inespectans
- Asplenium trichomanes L. subsp. pachyrachis
- Asplenium trichomanes L. subsp. hexavalens
- Asplenium csikii Kümmerle & András.
- Asplenium linnaei Soó
- Asplenium x lusaticum D.E.Mey.
- Asplenium melanocaulon Willd.
- Asplenium trichomaniforme H.P.Fuchs
- Trichomanes callitriche Bubani[6]
- Chamaefilix trichomanes (L.) Farw.[7]
Remove ads
Ver tamién
- Golondriyu de les muries
- Golondriyu prietu
- Golondriyu mariñán
- Golondriyu de fonte
- Clasificación de los organismos vexetales.
- Pa una descripción básica de morfoloxía y anatomía de los felechos ver Pteridophyta.
- Terminoloxía descriptiva de les plantes
Referencies
Enllaces esternos
Wikiwand - on
Seamless Wikipedia browsing. On steroids.
Remove ads