Asturia

Asturia ye'l nome col que los romanos nomaron al territoriu asitiáu al oeste del ríu Esla (entós ríu Astura) habitáu polos ástures, un pueblu indoeuropéu probablemente de llingua céltica.^[1][2][3]

Asturia
rexón xeográfica
Alministración
Xeografía

Mapa ' Asturia y les sos tribus. Atópense marcaes la posterior capital Astúrica y el monte Medulius, principal recursu mineru esplotáu en Asturia

Alcontrábase nel noroeste de la península ibérica y ta vertebráu pel ríu Esla (que trescurre ente les provincies de Lleón y Zamora), del que recibió'l nome, y estendíase dende la mariña Cantábrica hasta la desaguada de dichu río nel Duero, na Meseta Norte.

L'orixe etimolóxicu d'Asturia paez tar na pallabra usada pa denominar al ríu Esla los habitantes de les sos veres, Astura, que la so raigañu Steu-r significa ‘grande, ampliu o anchu’, colo que Asturia vendría significar ‘país del gran ríu’ y ástures ‘los habitantes del gran ríu’.

Depués de la conquista romana del territoriu, cola nueva división alministrativa de Diocleciano convirtióse nel Conventum Asturicensis, con capital en Asturica Augusta (güei Estorga). Col tiempu, nel sieglu VIII, el territoriu d'Asturia llegó a convertise en reinu, y darréu, adoptando'l nome de reinu de Lleón, llegó a tomar cuasi tol norte de la península ibérica, llegando hasta los Pirineos. Independientemente de la evolución territorial acomuñada a dichu nome, ésti acabaría per derivar en llingua española na pallabra Asturies (al traviés del xentiliciu ástures), a pesar de nun correspondese esautamente al antiguu territoriu romanu.