Atlanta
ciudá y capital del Estáu de Xeorxa, Estaos Xuníos From Wikipedia, the free encyclopedia
Remove ads
Atlanta ye la capital, y ciudá más poblada, del estáu d'Estaos Xuníos de Georgia. Con una población estimada de 472.522 habitantes (U.S. Census Bureau, xunetu de 2015), ye'l centru cultural y económicu del área metropolitana d'Atlanta, la novena mayor del país con 5,8 millones d'habitantes. Atlanta ye la sede del condáu de Fulton, y parte del so territoriu urbanu estiéndese tamién hacia l'este pel condáu de DeKalb.
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Atlanta foi fundada en 1837, como un nudu de tresportes, na interseición de dos llinies de ferrocarril. Destruida práuticamente por completu demientres la Guerra de Secesión, la ciudá resurdió de les sos povises hasta convertise nún centru comercial d'importancia nacional y na capital oficiosa de lo que se nomo el Nuevu Sur. Na década de 1960 la ciudá foi ún de los centros más activos del movimientu polos derechos civiles, nel que munchos de los sos fíos (Martin Luther King, Ralph David Abernathy...) tuvieron un papel destacáu. La ciuda, con fama de progresista dientru d'un entornu, el del sur de los Estaos Xuníos, mayormente conservador, tien convirtióse nún de los principales nudos de tresporte aereu del mundu: el so aeropuertu internacional (Hartsfield–Jackson Atlanta International Airport) tien sío'l de mayor tráficu del mundu dende 1998.
La economía de la ciudá ye variada, con sectores punteros como la loxística, los servicios profesionales y de negocios y les teunoloxíes de la información.
Remove ads
Datos xeográficos
Atlanta ta situada aproximao 320 metros (1050 pies) sobre'l nivel de la mar. L'aeropuertu d'Atlanta ta a 308 m (1010 pies) sobre'l nivel de la mar. Atlanta ta elevada a una cierta altura respeutu al ríu Chattahoochee. Atlanta ye la tercera ciudá más alta, por debaxo de Phoenix, y tamién de Denver (1 milla o 1.600 m).
Demografía
La distribución d'étnies ye la siguiente: 61,39% negros, 33,22% europeoamericanos, 4,49% hispanoamericanos, 1,93% asiáticoamericanos, 1,24% mestizos, 0,18% amerindios, 0,04% oceánicos, 1,99% otres races.
Barrios
Atlanta divídese en 138 barrios.
Referencies
Enllaces esternos
Wikiwand - on
Seamless Wikipedia browsing. On steroids.
Remove ads