Azaleh
From Wikipedia, the free encyclopedia
Remove ads
Coordenaes: 
5h 2m 28.687s, 41° 4′ 33.02″
Azaleh (ζ Aurigae / ζ Aur / 8 Aurigae)[9] ye una estrella na constelación d'Auriga asitiada a unos 790 años lluz del Sistema Solar. Tamién la conoz polos nomes de Haedus, Saclateri y Sadatoni. Ye una binaria eclipsante que'l so rellumu varia ente magnitú aparente +3,70 y +3,99 con un periodu de 972,16 díes —2,66 años—.[10]
La estrella principal, Azaleh A, ye una xigante lluminosa de color anaranxáu y tipu espectral K4II. Con una temperatura de 3950 K, relluma con una lluminosidá —considerada la radiación emitida nel infrarroxu— equivalente a 4800 soles. De considerable tamañu, el so radiu ye 148 vegaes más grande que'l radiu solar y tien una masa cuasi 6 vegaes mayor que la del Sol.[11]
A una distancia media de 4,2 UA de la componente A tópase Azaleh B, estrella blancu-azulada de la secuencia principal de tipu espectral B8V y 15.300 K de temperatura. Ye 1000 vegaes más lluminosa que'l Sol, considerando nesti casu una fracción importante d'enerxía emitida nel rangu del ultravioleta. La so masa ye daqué menor que la componente principal, 4,8 mases solares, pero'l so tamañu sí ye significativamente menor —4,5 radios solares—. El sistema tien una edá averada de 80 millones d'años.[11]
La orientación del planu orbital, inclináu 3º al respective de la llinia de visión, favorez que se produza un eclís cuando la estrella azul queda oculta detrás de la xigante naranxa. La variación de rellumu, anque pequeña, ye observable a simple vista.[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads