Baal Hammon

Baal Hammon o Baal Ammon yera'l principal dios feniciu adoráu na colonia de Cartago, xeneralmente identificáu polos griegos como Crono y polos romanos como Saturnu.^[1]

Baal Hammon
Información
Sexu	masculín
Cónxuxe	Tanit
[editar datos en Wikidata]

Baal Hammon (Muséu Nacional del Bardu)

Yera un dios atmosféricu consideráu responsable de la fertilidá de la vexetación. Tradicionalmente representábase como un home barbáu con cuernos de carneru.

Etimoloxía

Baal significa "señor", sicasí, el significáu de hammon ye inciertu, siendo posible'l so orixe n'Amón "L'ocultu", símbolu del poder creador y "Padre de tolos vientos" na mitoloxía exipcia. ^[2]

Cultu

Nel so nome faíen sacrificios humanos,^[3] "molk", como ufrienda relixosa. Mientres dalgún tiempu hubo discutiniu a esti respectu: los restos humanos topaos nel tofet de Cartago atribuyérense a restos procedentes de neños muertos por causes naturales o productos d'albuertos humanos; sicasí, la bayura de restos, la edá de la muerte de los neños, según la presencia de restos animales que se supón yeren sacrificaos en sustitución de dellos neños, probablemente fíos de families poderoses, práuticamente refuga la primer idea.^[4][5]