Baralla

Baralla ye un conceyu español de la Provincia de Lugo en Galicia. Pertenez a la Contorna d'Os Ancares y abarca 32 aldegues. Hasta finales de la década de 1970 llamábase Neira de Jusá.

Baralla
Alministración
País	España
Autonomía	Galicia
Provincia	provincia de Lugo
Tipu d'entidá	conceyu de Galicia[1]
Cabezaleru/a del gobiernu	Miguel González Piñeiro
Nome oficial	Baralla (gl)[2]
Códigu postal	27680
Xeografía
Coordenaes	42°53′37″N 7°15′00″W
Baralla Baralla (España)
Superficie	141 km²
Altitú	500 m
Llenda con	Becerreá, Láncara, O Corgo, Castroverde y Baleira
Demografía
Población	2455 hab. (2024) - 1351 homes (2019) - 1205 muyeres (2019)
Porcentaxe	0.76% de provincia de Lugo
Densidá	17,41 hab/km²
Más información
Estaya horaria	UTC+01:00 (horariu estándar) UTC+02:00 (horariu de branu)
concellobaralla.es

Historia

Nel so orixe foi un pobláu celta que se romanizó dafechu cola fundación de la ciudá de Lugo. Na Edá Media los señores d'Espiña, de Gallego y demás fidalgos evitaron la penetración nos valles de les razzias de los moros al mandu d'Almanzor.

L'últimu alcalde republicanu, antes del españíu de la guerra civil, foi Lisardo del Río Méndez, natural de Gundián. Ente otros ilustraos fíos del conceyu puede mentase al profesor Evaristo Correa Calderón.

Gonzalo Torrente Ballester inmortalizó el nome de Baralla na lliteratura en llingua castellana, dándo-ylo al ríu de la ciudá imaxinaria de La saga/fuga de J. B., Castroforte del Baralla.

Xeografía

El términu municipal tien una estensión de 141,16 km² y tien una altitú media de 500 msnm.

Ta asitiáu a unos 28 km de Lugo y delimita coles poblaciones de Láncara, O Corgo, Becerreá, Castroverde y Baleira.

Corgo	Castroverde y Baleira	Baleira y Becerreá
Láncara		Becerreá
Láncara	Láncara	Becerreá

Baralla ta asitiáu nel llau esquierdu del valle del cursu del ríu Neira y atópase encaxáu ente les elevaciones de la Sierra d'Ancares. Ta asitiáu sobre l'estremu oriental del Pandu Lucense y fai de transición de les Sierres Orientales, pasando de los 800 metros d'altitú a los 1100. Los llugares más altos del términu municipal asítiase na Serra de Picato (1894 m.), Serra do Galu (854 m.), Rañadoiru (1101 m.), Penes da Cabra (943m.) y Serra da Lagoa (759 m.).

La temperatura medio añal ye de 7°C, bazcuyando ente los 2°C del iviernu y los 17,5°C del branu. Recibe precipitaciones abondoses, con frecuencia en forma de nieve.

Evolución demográfica

Gráfica d'evolución demográfica de Baralla ente 1996 y 2012

Población según el padrón municipal del INE.

Parroquies de Baralla

El conceyu de Baralla, siguiendo'l nomenclátor remanáu pol Instituto Gallego d'Estadística, ta formáu por 30 entidaes coleutives de población o parroquies:

• Aranza (Santiago)
• Arroxo (San Juan)
• Baralla (Santa Mª Madalena)
• Berselos (San Martín)
• Costantín (Santa María)
• Covas (Santiago)
• Ferreiros (San Pedro)
• Francos (San Salvador)
• Guimarei (San Tomé)
• Laxes (San Pedro)
• Lebruxo (San Tomé)
• Lexo (San Juan)
• Pacios (Santa María)
• Pedrafita de Camporredondo (San Juan)
• Penarrubia (Santa María)
• Piñeira (San Salvador)
• Pol (Santa María)
• Pousada (Santiago)
• Recesende (San Cirilo)
• Riba de Neira (Santalla)
• San Martín de Neira de Rei (San Pedro)
• San Miguel de Neira de Rei (San Miguel)
• San Esteban (San Esteban)
• Sixirei (San Pedro)
• Sobrado do Picato (Santa Cruz)
• Teixeira (San Pedro)
• Vale (San Jorge)
• Vilachambre (Santa Marina)
• Villarpunteiro (Santa María)
• Villartelín (Santa Eufemia)

Política

Gobiernu municipal

Los partíos políticos qu'integraron les postreres eleiciones municipales fueron:[3] Partíu Popular (PP) Partíu Socialista de Galicia (PSdeG-PSOE) Bloque Nacionalista Galego (BNG) Eleiciones municipales de Baralla de 2011, 22 de mayu de 2011 Partíu Votos Variación Porcentaxe Conceyales Participación 2.168 165 83,45% align="right" PP 1.412 135 65,77% 8 BNG 411 152 19,14% 2 PSdeG-PSOE 294 174 13,69% 1

Los resultaos, tocantes a númberu de conceyales, fueron los siguientes:[3] Composición del Conceyu de Baralla 2011-2015

Discutinios

N'agostu de 2013 fueron noticia les revesoses pallabres del alcalde, Manuel Jesús González Capón, mientres un plenu municipal nel que llegó a declarar que: "Los muertos del franquismu va ser que lo merecíen"^[4][5]

Monumentos

• Capilla de Santa Marta
• Iglesias romániques
• Obeliscu monumentu a Magín Espiña.

Fiestes

• San Vitorio, el 27 d'agostu. Les celebraciones duren ente 4 y 5 díes, siendo habituales el 26 (viéspora), 27 (San Vitorio Grande), 28 (San Vitorio Pequeno ó Pequeñu) y 29.
• Feria de ganáu mensual los díes 1 y 18 de cada mes.