BirdLife International
From Wikipedia, the free encyclopedia
Remove ads
BirdLife International ye una organización internacional dedicada a la proteición de les aves y los sos hábitats. Trátase d'una federación d'asociaciones democrátiques ya independientes que tienen como oxetivu'l caltenimientu y l'estudiu de les aves. Anguaño la rede mundial de BirdLife International cunta con representantes en más de 100 países.
BirdLife International fundóse en 1922 por Gilbert Pearson y Jean Théodore Delacour sol nome de International Council for Bird Preservation(ICBP). Trátase d'un grupu de presión que cayó en desusu dempués de la Segunda Guerra Mundial. Volvió a l'actividá en 1983 col nomamientu d'un direutor profesional y camudó el so nome en 1993 pol actual BirdLife International.
Ente los sos Presidentes d'Honor inclúyense la princesa Takamado de Xapón y la reina Noor de Xordania.[1]
Los oxetivos de BirdLife International son:
- Prevenir la estinción de toles especies d'aves
- Ameyorar l'estáu de caltenimientu de les aves
- Caltener y ameyorar los hábitats de les aves del mundu
- Caltener al traviés de les aves la biodiversidá del planeta y la calidá de vida de les persones
BirdLife International ye miembru de la Llista Colorada de la UICN y la so autoridá oficial en materia d'aves.[2][3]
BirdLife coopera con más de cuatro mil trabayadores, dos millones y mediu de socios, diez millones de siguidores y xestiona más de 1 millón d'hectárees.[4]
Remove ads
Ver tamién
Referencies
Enllaces esternos
Wikiwand - on
Seamless Wikipedia browsing. On steroids.
Remove ads