Blagu

Un blagu, ye un cayáu o bastón que ye símbolu d'un cargu xerárquicu. Puen usase como adornu, (blagu de mandu) o signu de dignidá. Nesti casu, puen tar fechos de marfil, plata, oru, etc. Asina asocede colos mandos, sobre tou nel ámbitu militar.

Actu de cesión d'un blagu ente militares.

N'Exiptu, cuando un pueblu o un soberanu escoyía un oficial pa representa-y nel mandu de los exércitos, en dalguna embaxada o na alministración de xusticia, esti nomamientu facíase pola entrega d'una sortía o aniellu o d'un blagu que yera'l distintivu de la so dignidá.

Na antigua Roma, el blagu yera cierta insinia que los emperadores daben a los gladiadores vieyos que fueren munches vegaes vencedores nos combates de circu.

Anguaño, los alcaldes eleutos nes Cases conceyu, reciben un blagu como símbolu d'autoridá de mandu.