Boletus calopus
From Wikipedia, the free encyclopedia
Remove ads
Boletus calopus, tamién llamáu, n'España,[2] pie coloráu amargosu, ye un fungu basidiomicetu de la familia Boletaceae, propiu d'árees montascoses y que puede atopase nos suelos probes, ácidos y con cierta aridez, tanto de montes de coníferes como de frondosas. El so sabor ye amargosu, polo que nun ye aptu pal consumu.[2][3]
Remove ads
Morfoloxía
El cuerpu granible ta rematáu por un sombreru carnosu que puede algamar los 20 centímetros de diámetru. La so forma puede variar ente hemisféricu y convexu. El sombreru presenta una coloración parduza, que puede variar ente'l marrón claro, el gris claru y el parduzu verdosu. El so cutícula ye seca y ensin rellumu. Los tubos de la parte inferior del sombrerucu son llargos y estrechos, de color mariellu llimón, y acaben en poros del mesmu color, que tomen un color verdosu cuando la cogorda ta madura. Los poros tomen un color azuláu al tactu. El pie mide ente 6 y 8 (hasta 12) centímetros de llongura por ente 2 y 5 d'anchu. Ye duru, robezu y con una testura reticulada de color mariellu sobre un fondu que varia en degradáu dende'l coloráu sangre de la base hasta'l mariellu llimón de la zona cimera. La esporada ye ocre o oliváceo parduza. La carne ye amarellentada, y toma un tonu azuláu cuando se corta. El so sabor ye astrinxente de primeres, pa volvese bien amargosu dempués.[2]
Remove ads
Posibilidaes de tracamundiu
Ye posible confundilo col Boletus satanas, que ye tóxicu y de sabor acedo y non amargosu, según col Boletus radicans, que nun tener el color acoloratáu del pie. Por cuenta de la coloración del sombreru, podría confundise con Boletus appendiculatus. Son marques distintives del B. calopus la coloración del pie y de los poros.[2]
Referencies
Enllaces esternos
Wikiwand - on
Seamless Wikipedia browsing. On steroids.
Remove ads