Bowser

Bowser (クッパ, Kuppa^?, "Koopa"), tamién conocíu como Rei Bowser o Rei Koopa, ye un personaxe de ficción y l'antagonista principal de la franquicia Mario de Nintendo.^[1] En Xapón tien el títulu de Daimaō (大魔王, Daimaō^? Gran Rei Demoniu").^[2] Ye l'archienemigu del fontaneru Mario y líder de la raza de tortugues conocíes como Koopas. Representáu como un monstruu que cuspe fueu y con una personalidá tiránica, los sos oxetivos principales son secuestrar a la Princesa Peach y conquistar el Reinu Champiñón.^[3]

Bowser
Personaxe de Super Smash Bros.
Universu	Super Mario universe (en)
Creador/a/es	Shigeru Miyamoto
Información
Sexu	masculín
Fíos	Bowser Jr. (en) , Ludwig von Koopa (en) , Iggy Koopa (en) , Morton Koopa Jr. (en) , Wendy O. Koopa (en) , Roy Koopa (en) , Larry Koopa (en) y Lemmy Koopa (en)
[editar datos en Wikidata]

Bowser apaeció per primer vegada como enemigu de Mario nel videoxuegu de 1985 Super Mario Bros.^[4] El diseñador Shigeru Miyamoto concibiólu inicialmente como un güe, basándose nel Rei Güe de la película d'animación de Toei Alakazam the Great.^[5] Sicasí, Takashi Tezuka comentó que'l personaxe paecía más una tortuga que un güe, lo que llevó a rediseñalu como líder de los Koopas, una raza de tortugues antropomórfiques.^[6]

Dempués de Super Mario Bros., Bowser apaeció n'otros xéneros de videoxuegos, incluyendo xuegos de rol como Paper Mario y Mario & Luigi, xuegos deportivos como Mario Kart y Mario Tennis, y xuegos de llucha como Super Smash Bros..^[7] Tamién apaeció en delles series d'animación, incluyendo tres series producíes por DIC Entertainment^[8] y foi interpretáu por Dennis Hopper na película de 1993 Super Mario Bros..^[9] Jack Black punxo-y voz en The Super Mario Bros. Movie (2023) y The Super Mario Galaxy Movie (2026).^[10]

Bowser recibió en xeneral una bona acoyida, con críticos que señalen que ye unu de los villanos de videoxuegos más icónicos y reconocibles.^[1][11] Foi nomáu como'l mayor villanu de videoxuegos de tolos tiempos pola Guinness World Records Gamer's Edition.^[12]