Brit Marling

Brit Marling (7 d'agostu de 1982, Chicago) ye una actriz, cineasta y guionista d'Estaos Xuníos.

Brit Marling
Vida
Nacimientu	Chicago[1], 7 d'agostu de 1982[2] (42 años)
Nacionalidá	Estaos Xuníos
Residencia	Los Angeles
Llingua materna	inglés
Familia
Hermanos/es	Morgan Marling (en)
Estudios
Estudios	Universidá de Georgetown escuela superior Dr. Phillips (es)
Llingües falaes	inglés[3]
Oficiu
Oficiu	actriz, guionista, productora de cine, escritora, actriz de televisión, actriz de cine, productora executiva, direutora de cine
Emplegadores	Goldman Sachs
Premios	ver Premio a la mejor actriz del Festival de Cine de Sitges  (2011) : Another Earth San Diego Film Critics Society Award for Best Actress  (2011) : Another Earth
IMDb	nm1779870

Biografía

Foi llamada Brit pola so bisagüela materna, que ye noruega. Estudió Economía na Universidá de Georgetown ―centru educativu católicu asitiáu en Washington D. C.―. Empezó la so carrera nel cine escribiendo y co-dirixendo Boxers and Ballerinas (2004), un documental sobre Cuba que cuntó cola collaboración de Mike Cahill. La so primer película como actriz foi Political Disasters (2009), drama empobináu por Zach Horton. Más tarde foi guionista y protagonista de Sound of My Voice (2011), una intriga psicolóxica con direición de Zal Batmanglij. El mesmu añu de Sound of My Voice estrenó Another Earth (2011), un amiestu ente drama y fantasía que dirixió'l so amigu Cahill con participación nel guión de la mesma Brit Marling. Nel thriller financieru Arbitrage (2012) interpretó a la fía del personaxe interpretáu pol actor Richard Gere. En 2014 estrenóse la película Oríxenes, del direutor Mike Cahill; una reflexón sobre l'orixe y el destín de la humanidá, sobre'l dilema ente ciencia y espiritualidá y sobre la reencarnación. Nella Marling da vida a una becaria que xunto col so compañeru de repartu Michael Pitt, el cuál interpreta al biólogu molecular Dr. Ian Gray, investiguen la evolución del güeyu humanu.

Filmografía

Añu	Títulu	Personaxe
2007	The Recordist	Charlie Hall
2009	Political Disasters	Brit
2011	Another Earth	Rhoda Williams
2011	Sound of My Voice	Maggie
2012	Arbitrage	Brooke Miller
2012	The Company You Keep	Rebecca Osborne
2013	The East	Sarah
2014	The Keeping Room
2014	The Better Angels	Nancy Lincoln
2014	I Origins	Karen
2016	The Wife	joven Joan Castleman

Referencies

• «First look at “The East”, starring Brit Marling», artículu n'inglés nel sitiu web Rope of Silicon.