Buddleja davidii
especie de planta From Wikipedia, the free encyclopedia
Remove ads
La budlexa[1] (Buddleja davidii) ye una especie d'arbustu perteneciente a la familia de les escrofulariácees. Orixinaria del noroeste de China y Xapón, el so usu estendióse como planta ornamental polos xardinos de tol mundu.
Remove ads
Descripción
Arbustu caducifoliu o semiperennifolio qu'algama unos 2-3 m d'altor. Fueyes llanceolaes, de color abuxáu. Inflorescencia n'espigues al estremu de les cañes, con flores de color lila, azul, púrpura, rosa, colloráu-violeta, blanca etc. Ente branu y seronda, les sos cañes narquiaes porten nos sos estremos conos llargos y estrechos de flores densamente atarraquitaes. Les flores atraen a les caparines, que s'alimenten de la so fragante néctar.
Remove ads
Cultivu
Rique suelos llixeros, bien drenados, anque aguanta los caliares. Clima templáu, aguantando'l fríu ensin dificultá. Esposición soleyera. Débese podar añalmente pel iviernu, por que se produzan nuevos biltos que van floriar nos sos estremos. Reproduzse por fraes, n'invernaderu de multiplicación.
Especie invasora
Buddleja davidii naturalizóse n'Australia y na mayor parte de ciudaes del centru y sur d'Europa, onde s'estiende con facilidá por baldíos y xardinos.[2] Pue ser invasora en munches rexones, incluyendo la Islles Britániques y Nuevo Zelanda. Amás, nos EE. UU, naturalizóse a partir d'escapes de cultivos, y foi clasificada como planta dañible nos estaos d'Oregón y Washington.
N'España
Por cuenta del so potencial colonizador y constituyir una amenaza grave pa les especies autóctones, los hábitats o los ecosistemes, esta especie foi catalogada nel Catálogu Español d'Especies exótiques Invasores, aprobáu por Real Decretu 1628/2011, de 14 de payares, tando prohibida n'España la so introducción nel mediu natural, posesión, tresporte, tráficu y comerciu.
Taxonomía
Buddleja davidii foi descrita por Adrien René Franchet y publicáu en Nouvelles archives du muséum d'histoire naturelle, sér. 2, 10: 65. 1887.[3]
Buddleja: nome xenéricu dau n'honor de Adam Buddle, botánicu y rector en Essex, Inglaterra.
davidii: epítetu dau n'honor de Armand David, un misioneru naturalista francés que lu afayó en 1869. Sinonimia:
|
Remove ads
Ver tamién
Referencies
Bibliografía
Wikiwand - on
Seamless Wikipedia browsing. On steroids.
Remove ads