Canis mesomelas

El chacal de llombu prietu^[2] (Canis mesomelas) ye una especie de mamíferu carnívoru de la familia Canidae.

Canis mesomelas chacal de llombu prietu
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Mammalia
Orde:	Carnivora
Suborde:	Caniformia
Familia:	Canidae
Subfamilia:	Caninae
Tribu:	Canini
Subtribu:	Canina
Xéneru:	Lupulella
Especie:	L. mesomelas (Schreber, 1775)
Distribución
Consultes
[editar datos en Wikidata]

Al cabu d'un añu, el chacal de llombu negru algama'l maduror sexual. Tienen camaes de 4 a 8 críes, precisando un periodu de xestación de dos meses aproximao. El so pesu d'adultu ye d'ente 10 y 15 kg, un llargor de 80 cms a un metru, y una cola d'unos 20 cms.

Hábitat

Habita en rexones seques o desértiques, atopándose en dos poblaciones separtaes, una d'elles presente nel oeste del África central y la segunda nel sur d'África.^[3]

Costumes

Ye de costumes nocherniegues, y mientres el día escapa del calor abellugáu na so lluriga, so un saliente predresu o so les carbes. Tien una gran resistencia que-y dexa andar grandes distancies mientres toa una nueche si ye preciso. A pesar d'analayar solu, atopóse-y en grupos formaos por miembros de la so mesma familia. Aliméntase de pequeños mamíferos, inseutos y reptiles, pero sobremanera de carroña. Ye precisamente polos sos vezos carroñeros que suel vese xunto con hienes y utres en derredor de les llacuaes de los grandes carnívoros africanos, como lleones, guepardos y lleopardos.

Intégrase ensin mieu nos nucleos de población, ensin saber que ye llargamente tarrecíu pol home, al ser tresmisor de la rabia.

Subespecies

Conócense les siguientes subespecies:

• Canis mesomelas mesomelas, subespecie del sur d'África.
• Canis mesomelas schmidti, subespecie del este d'África central.