Prunella modularis

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. La cenicienta^[2] o carboneru^[3] (Prunella modularis) ye una especie d'ave paseriforme de la familia Prunellidae^[4] llargamente distribuyida per toa Europa. El so aspeutu apagáu y poco llamativu fai difícil estremala d'un raitán mozu, una chis de los praos (Anthus pratensis) o una cenrica. Sicasí, el so estrañu vezu d'apareyamientu, con tríos d'un machu con dos femes, o d'una fema con dos machos, fáenla bien particular.

Pa ver otros usos d'esti términu, Cenicienta (dixebra).

Prunella modularis cenicienta
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Prunellidae
Xéneru:	Prunella
Especie:	P. modularis (Linnaeus, 1758)
Distribución
Subespecies
Ver testu
Consultes
[editar datos en Wikidata]

Prunella modularis

Cuculus canorus canorus + Prunella modularis

El so cantu ye un garllu rápidu, planu, agudu, monocorde.

El so nial ye una taza yerbácea, revistida de mofu o pelo, con 4-5 güevos puestos en 2-3 niaraes d'abril a xunu.

Aliméntase en redol a arbustos, ente la maleza, picotiando pequeños inseutos y granes; tamién allega a les zones menos naturalizaes a comer migues de pan y quesu.

Cría en toa Europa menos n'Islandia; estendío en zones de beriza y marismes con carba trupo, en zones costeres, montes trupos, cultivos y xardinos.

Subespecies

Reconócense les siguientes subespecies:^[4]

• Prunella modularis hebridium
• Prunella modularis occidentalis
• Prunella modularis modularis
• Prunella modularis mabbotti
• Prunella modularis meinertzhageni
• Prunella modularis fuscata
• Prunella modularis euxina
• Prunella modularis obscura