Cerecinos del Carrizal
From Wikipedia, the free encyclopedia
Remove ads
Cerecinos del Carrizal ye un conceyu español perteneciente a la contorna de Tierra del Pan,[4] na provincia de Zamora, comunidá autónoma de Castiella y Lleón.
Remove ads
Símbolos[5]
L'escudu y la bandera municipal fueron aprobaos pol plenu del conceyu de Cerecinos del Carrizal na so sesión del 3 d'avientu de 2004. L'escudu heráldicu del conceyu represéntase conforme a la siguiente descripción testual o blasón:
Escudu mediu partíu y cortáu. 1º d'oru, fai de trés espiges de sinople. 2º d'azur, palombu de plata. 3º de sinople, tres cañes d'oru, puestes en faxa sobre ondes de plata y azur. Al timbre corona real zarrada.
La descripción testual de la bandera ye la que sigue:
Bandera rectangular de proporciones 2:3, formada por dos franxes verticales en proporciones 1/3 y 2/3,siendo azul con un palombu blancu la del estil y cinco franxes horizontales iguales trés verdes y dos marielles alternaes, la de la batiente.
Remove ads
Topónimu
Cerecinos podría venir de la pallabra llatina ceres, esto ye, llugar onde se collechen ceberes,[6] al que se-y añadiría en plural el diminutivu lleonés -ino, dando como resultáu cerecinos. Sicasí, tamién podría proceder del árbol zrezal con dichu diminutivu lleonés apareyáu, anque esta opción paez más improbable, yá que tendría d'habese llegáu al actual topónimu al traviés de la voz cerezal, derivando dende cerezalinos a cerecinos.
Remove ads
Historia
Los primeros asentamientos humanos del términu daten de dómina romana, de la cual atopáronse restos d'asentamientos en delles paraxes del términu municipal, como nel "Regatu los Pajarinos", en “Valdelasierna” y en “El Charcu del Güe”.[6]
Sicasí, el so allugamientu actual o fundación tien de rellacionase cola repoblación efectuada na Edá Media polos reis lleoneses, que poblaron Cerecinos con xentes llegaes del norte peninsular, con oxetu d'asegurar les sos posiciones nes cercaníes del ríu Duero.[7]
La primer mención escrita de la llocalidá data del añu 1153, cuando se recueye a Cerecinos como feudatario del monesteriu de San Martín de Castañeda. Años más tarde, en 1183, el rei Fernandu II de Lleón dio la llocalidá a la Orde de San Xuan y a la so comendador Pedro González.[6]
Bañáu pel ríu Salán, güei denomináu ríu Saláu, foi un pueblu de rancia tradición vinatera, con ensame de bodegues escavaes en tierra. A partir del s. XIX, y por cuenta de la plaga de la filoxera, desaparececen les viñes y dende entós l'agricultura pasó a ser la principal actividá de Cerecinos.[6]
Cola creación de les actuales provincies na 1833, Cerecinos del Carrizal quedó encuadráu na provincia de Zamora, dientro de la Rexón Lleonesa.[8]
Demografía (1900-2017)
| Gráfica d'evolución demográfica de Cerecinos del Carrizal ente 1900 y 2017 |
 |
| Fonte Institutu Nacional d'Estadística d'España - Ellaboración gráfica por Wikipedia. |
Patrimoniu
- Ilesia de San Salvador. Data de la segunda metá del sieglu XVIII, calteniendo nel so pórticu tres columnes del sieglu XVI de la primitiva Ilesia. El so Retablu Mayor, doráu, d'estilu barrocu del sieglu XVIII, acovez na so fornica central a El Salvador, coles imáxenes de Santu Domingu y San Franciscu d'Asís a los llaos. Tamién tien dos retablos rococós, unu d'ellos cola imaxe del Cristu del Amparu del sieglu XVII y l'otru cola Virxe de la Nieves.
- Otros llugares d'interés. Cabo señalar, cerca del regueru Saláu, La Fonte Bona y El Plantío.
Remove ads
Servicios
- Chigre "La tasca de Vero"
- Chigre "Dinka"
- Consultoriu médicu
- Biblioteca
- Salón municipal multiusos
- Frontón con graes que cunta con 2 porteríes y 1 canasta de baloncestu
- Merenderu con meses y barbacoes
- Ilesia parroquial del Salvador
Fíos pernomaos
- Carlos Pinilla Turiño (1911-1991): abogáu español perteneciente al Cuerpu d'Abogaos del Estáu, sindicalista y falanxista, Conseyeru Nacional y procurador a Cortes mientres nueve de los diez llexislatures del periodu franquista.[9] Gobernador civil de les provincies de Zamora y Lleón. Senador d'España mientres tres legislatura mientres el reináu de Xuan Carlos I.
Fiestes
- Selmana Cultural: Promovida pola Asociación Cultural Ríu Saláu, suelse celebrar na selmana que queda en redol a les feches del 5 d'agostu (Nuesa Señora de les Nieves) y 6 d'agostu (San Salvador). Mientres estos díes tienen lugar conferencies, teatru, cine, cuentacuentos, grupos folclóricos, talleres infantiles, pintura mural y competiciones varies.[10]
- Nuesa Señora de la Mercé: La so celebración ye'l día 24 de setiembre y nella tienen llugar verbenes, atraiciones pa los neños (castiellu inflable, tren panorámicu,...), actuaciones de maxa, bailles rexonales, etc.[11]
Remove ads
Ver tamién
Referencies
Wikiwand - on
Seamless Wikipedia browsing. On steroids.
Remove ads