Chaetura chapmani
especie de páxaru From Wikipedia, the free encyclopedia
Remove ads
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Chaetura chapmani ye una especie d'ave apodiforme de la familia Apodidae que vive en Suramérica. Púnxose-y el nome n'honor del ornitólogu d'Estaos Xuníos Frank Michler Chapman (1864-1945).
Remove ads
Descripción
Esta ave mide ente 13 y 14 cm de llargor. Les partes cimeres del so cuerpu son principalmente de color negru con reflexos azules na parte cimera de les ales y llombu de los adultos, anque son verdes nos xuveniles. El so obispillu ye de color pardu polo que destaca mínimamente nel fondu negru, y el so banduyu ye de color buxu escuru.[1]
Distribución y hábitat
Alcuéntrase en Brasil, Colombia, Guayana francesa, Guyana, Panamá, Surinam, Trinidá y Tobagu y Venezuela.
El so hábitat natural son les selves húmedes tropicales de rexones baxes. Suel esnalar a altores ente los 100 y 1600 m.
Taxonomía
La especie describióse científicamente pol ornitólogu austriacu Carl Edward Hellmayr en 1907.[2] Enantes considerábase que yeren variedaes de C. pelagica y C. vauxi.
La variedá considerada enantes una subespecie de Chaetura Chapmani, Chaetura chapmani viridipennis, describióse como una especie estreme, Chaetura viridipennis, por Manuel Marín en 2000, por cuenta de los estudios morfolóxicos y del so comportamientu. Esta opinión ye compartida pol Comité de Clasificación d'América del Sur. [3]
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads