Christina Nilsson

Christina Nilsson (20 d'agostu de 1843, Vederslövs församling ^(en)  – 22 de payares de 1921, Växjö ^(es) ) foi una célebre sopranu sueca. Miembru de l'Academia Real de Música, tenía una brillosa téunica de bel cantar que anduvo a la tema na so dómina con Adelina Patti.^[2]

Christina Nilsson
Vida
Nacimientu	Vederslövs församling (en) [1], 20 d'agostu de 1843[1]
Nacionalidá	Suecia
Muerte	Växjö (es) [1], 22 de payares de 1921[1] (78 años)
Sepultura	Tegnér cemetery (en)
Familia
Padre	Theodorus Nilsson
Madre	Christina Johanna Vrieze
Casada con	Ángel Vallejo Miranda
Estudios
Llingües falaes	suecu
Alumna de	Franz Berwald Adelaide Leuhusen
Oficiu
Oficiu	actriz, cantante d'ópera, compositora, coleicionista d'arte
Premios	ver Medaya d'Oru de la Royal Philharmonic Society  (1871)
Xéneru artísticu	ópera
Mena de voz	sopranu
Instrumentu musical	voz

Trayeutoria

Nacida Christina Jonasdotter en Smaland, fía de los llabradores Jonas Nilsson y Cajsa-Stina Månsdotter foi afayada por un mentor que dexó'l so desenvolvimientu vocal.

En 1860 dio conciertos n'Estocolmu y tres cuatro años d'estudiu en París debutó como Violetta en La traviata de Verdi.

Cantó en San Petersburgu, el Covent Garden de Londres, Viena y Nueva York pa la inauguración oficial del Metropolitan Opera en 1883 como Margarita de Fausto. Na gala de conmemoración del centenariu del teatru en 1983, el so compatriota Birgit Nilsson cerró les celebraciones homenaxándola col so cantar preferíu.

Casada col banqueru francés Auguste Rouzaud, enviudó en 1882, volvió casase con Angel Ramón María Vallejo y Miranda, Conde de Casa Miranda, polo qu'a la fin de los sos díes yera llamada "Condesa Casa Miranda".

Ye mentada na novela Ana Karenina de Lev Tolstói y en The Age of Innocence d'Edith Wharton.

Créese que'l personaxe de Christine Daaé de La pantasma de la ópera de Gastón Leroux ta inspiráu nella.

Nun dexó grabaciones.

Intereses

El Christina Nilsson - U.S. rexistru 125293 - tamién foi un barcu que naufragó en 1885 nos grandes llagos.