Coccinellidae
familia d'inseutos From Wikipedia, the free encyclopedia
Remove ads
Los coccinélidos (Coccinellidae) son una familia d'inseutos coleópteros de la superfamilia Cucujoidea. Reciben distintos nomes vulgares, siendo los más comunes catasol, reisol y mariquita. Tienen el cuerpu arredondiáu y con frecuencia presenten colores vivos. Munches especies aliméntense de pulgones, polo que contribúin a controlar estes plagues.
Remove ads
Nomes comunes
El so nome común varia muncho y hai diferentes formes de denomalos. Pue llamase por un nomes simple, como catalina, catasol, corderín, mariquita, marzolín, nanina, rei, reichín, reisol, santina; o tamién por un nome compuestu, como anxelín del cielu, caracol de Dios, caracolín de Dios, caracol de San Xuan, catalinina de Dios, cogollín del rei, mariposina de Dios, paxarina de Dios, perrín de Dios, perrina de Dios, pitina de Dios, tarralina de Dios, vaquina de Dios, zapaterina de Dios, perrín de San Roque.[2]
Remove ads
Distribución
Los coccinélidos atópense per tol mundu, con más de 4500 especies descrites. Xeneralmente habiten plantes onde s'atopen les sos preses, como los pulgones o áfidos.
Bioloxía
Ciclu vital
Ponen los güevos de color mariellu ún por ún o asitiaos en grupos sobre les fueyes o tarmos, xeneralmente na cercanía de colonies de pulgones. Dempués d'una selmana, remanecen les canesbes que tienen seis pates, y gran movilidá. Dalgunes son espinoses o verrugoses, de color negru con minúscules manches blanques o anaranxaes, anque hai una gran variedá nos colores según la especie.
Estes canesbes pasen por cuatro estadios antes de convertise en pupes. Les pupes xuntense a les fueyes, tarmos o roques, y suelen ser de color anaranxáu y negru. Pueden confundise con escrementos d'aves. De la pupa remanez un adultu de color amarellentáu ensin tener entá definíos los colores carauterísticos del adultu; pero los mesmos apaecen nunes poques hores.
Alimentación
Los catasoles son bien apreciaos yá que son depredadores naturales de los áfidos (pulgones), cocos, pulgues, ácaros y cochinillas que son plagues pa l'agricultura.[3] Un catasol adultu envalórase que puede consumir más de mil d'estos animales mientres el branu y si tenemos en cuenta qu'una fema puede tener más d'un millón de críes daremos cuenta de por qué son consideraos como insecticides naturales.[4] En munchos llugares del mundu utilizense pa lo que se conoz como control biolóxicu de les plagues; esto ye, estes esanicien los animales perxudiciales pa l'agricultura utilizando los sos enemigos naturales, en llugar d'utilizar productos químicos.
Los sos depredadores más comunes son los páxaros; otros son les xaronques, aviespes, arañes y libélulas. El so desagradable sabor protexenla en cierta midida contra los sos depredadores.
Investigación
Nel añu 1999, como parte d'un proyeutu propuestu por un grupu d'alumnes de secundaria en Chile, una colonia de Coccinellinae foi llevada al espaciu. Fueron parte de la misión STS-93 del tresbordador Columbia, en que se-yos integró a una investigación sobre'l comportamientu de plantes y artrópodos n'ambientes de microgravedad. (Base de datos de la investigación en microgravedad)
Remove ads
Delles especies
- Coccinella septempunctata
- Anatis ocellata
- Adalia bipunctata
- Hippodamia convergens
- Hippodamia tredecimpunctata
- Coleomegilla maculata
- Chilocurus stigma
- Epilachna varivestis
- Epilachna connexa
- Eriopis connexa
- Harmonia axyridis
- Cryptolaemus montrouzieri
- Rodolia cardinalis
- Cycloneda sanguinea
- Scymnus loewii
- Adalia decempunctata
- Hippodamia variegata
- Epilachna chrysomelina
- Semiadalia notata
- Harmonia quadripunctata
- Coccinella novemnotata
Remove ads
Referencies
Bibliografía
Enllaces esternos
Wikiwand - on
Seamless Wikipedia browsing. On steroids.
Remove ads