Colleen Dewhurst

Colleen Dewhurst (3 de xunu de 1924, Montreal – 22 d'agostu de 1991, Nueva York) foi una gallardoniada actriz de teatru, con incursiones en cine y televisión.

Colleen Dewhurst
11. President of Actors Equity Association (en) 1985 - 1991 ← Ellen Burstyn - Ron Silver →
Vida
Nacimientu	Montreal, 3 de xunu de 1924[1]
Nacionalidá	Canadá Estaos Xuníos
Muerte	Nueva York, 22 d'agostu de 1991[1] (67 años)
Causa de la muerte	cervix uterine cancer (en)
Familia
Casada con	George C. Scott
Fíos/es	Campbell Scott
Estudios
Estudios	American Academy of Dramatic Arts 1947) Milwaukee-Downer College (en) Riverside University High School (en)
Llingües falaes	inglés[1]
Oficiu
Oficiu	actriz de teatru, actriz de cine, actriz de televisión, actriz de voz, direutora de teatru
Premios	ver Theatre World Award  (1958) [2] Premiu Tony a la meyor actriz de repartu nuna obra de teatru  (1961) Premiu Tony a la meyor actriz principal nuna obra de teatru  (1974) Primetime Emmy Award for Outstanding Supporting Actress in a Miniseries or a Movie  (1986) : Between Two Women (en) Primetime Emmy Award for Outstanding Guest Actress in a Comedy Series  (1989) : Murphy Brown Primetime Emmy Award for Outstanding Supporting Actress in a Miniseries or a Movie  (1989) : Those She Left Behind (en) Primetime Emmy Award for Outstanding Guest Actress in a Comedy Series  (1991) : Murphy Brown Earle Grey Award  (1992)
Nominaciones	ver Premiu Tony a la meyor actriz principal nuna obra de teatru (1962) Premiu Tony a la meyor actriz principal nuna obra de teatru (1964) Premiu Tony a la meyor actriz principal nuna obra de teatru (1968) Premiu Tony a la meyor actriz principal nuna obra de teatru (1972) Premiu Tony a la meyor actriz principal nuna obra de teatru (1973) Premiu Tony a la meyor actriz principal nuna obra de teatru (1977)
Miembru de	Academia de les Artes y les Ciencies d'Estaos Xuníos
Creencies
Relixón	Christian Science (en)
IMDb	nm0223157

Una de les más notables actrices de teatru de la so xeneración foi llamada "La reina de Off-Broadway" consagrándose en 1958 en Una lluna pal bastardu d'Eugene O'Neill. Atropó 2 Premiu Tony, 2 Premios Obie (el Tony de Off-Broadway), 4 Premiu Emmy y 14 nominaciones, ente otres distinciones. La so carrera en cine y televisión^[3]foi pocu importante en comparanza cola teatral.

Biografía

Fía única, nació en Canadá, crióse en Milwaukee y estudió na American Academy of Dramatic Arts onde conoció al so primer home, James Vickery.

Debutó nun pequeñu papel en Desire Under the Elms d'Eugene O'Neill en 1952. A partir de 1956 foi unu de los baluartes del New York Shakespeare Festival de Joseph Papp en recordaes actuaciones en La fierecilla domada, Titus Andronicus, L'águila de dos cabeces, Macbeth, Calígula y Camille remaneciendo como la reina Gertrude en Hamlet años más tarde.

El so rol más recordáu ye Katie en Una lluna pal bastardu que primero interpretó n'Italia, depués en Buffalo y finalmente en Nueva York en 1973 mereciendo'l so segundu Tony. Intérprete escepcional d'Eugene O'Neill, tamién fixo Mourning Becomes Electra, Viaxe d'un llargu día escontra la nueche, el papel principal en Desire Under the Elms, More Stately Mansions —onde clisó a Ingrid Bergman—, Ah Wilderness y como la so muyer Carlota Monterey O'Neill nun aclamáu unipersonal My Gene.

Otres relevantes encarnaciones en teatru fueron Who's Afraid of Virginia Woolf? empobinada pol so autor Edward Albee, You Can't Take It With You, L'alma bona de Se-Chuan de Bertolt Brecht, El zoo de cristal de Tennessee Williams, Cartes d'amor y Fíos de la escuridá.

Dende 1959 a 1965 tuvo casada col actor George C. Scott con quien trabayó frecuentemente y foi padre de los sos dos fíos (unu ye l'actor Campbell Scott). Divorciáronse y volviéronse a casar de volao pa volvese a dixebrar. Al pie de George C. Scott recuérdense los sos trabayos en Antonio y Cleopatra y El lleón pel hibiernu.

Foi presidente de la Actor's Equity Association dende 1985 hasta la so muerte.

Diagnosticada con cáncer cervical, la so fe en Ciencia Cristiana fíxo-y refugar tou tratamientu. Morrió na casa del so compañeru de venti años, el productor Ken Marsolais dos díes antes de ganar el so cuartu Emmy como la madre de Murphy Brown.

Les sos memories fueron completaes y publicaes póstumamente en 1997. Foi bien amiga d'otra gran actriz del teatru americanu, Maureen Stapleton, quien escribió "Paez un guerreru y toos creen que ye la Madre Tierra. Pero na vida real daquién tien que curiala, prodígase tantu ayudando a los demás que nun sabe curiase a sigo mesma".

Premios

• 1974: Sarah Gibbons Award
• 1986: Emmy Award for Outstanding Supporting Actress – Between Two Women
• 1989: Emmy Award for Outstanding Guest Actress – Murphy Brown
• 1989: Emmy Award for Outstanding Supporting Actress – Those She Left Behind
• 1989: Genie Award
• 1991: Emmy Award for Outstanding Guest Actress – Murphy Brown

• 1974: Tony Award
• 1961: Tony Award
• 1962: Obie Award
• 1957: Obie Award

Nominaciones

• 1990: Emmy Award – Road to Avonlea
• 1990: Emmy Award – Lantern Hill
• 1991: Emmy Award – Lantern Hill