Contraltu

Contraltu ye la voz femenina más grave,^[1] y destaca pola rica sonoridá y amplitú del so rexistru grave, esta voz ye bien rara y malo de topar; solo un 2% de les muyeres nel mundu tienen esta voz.^[2] N'ópera los papeles que se-y atribúin a les cantantes con dichu rangu vocal suelen ser representaos por mezzo-sopranos al ser tan infrecuente'l mesmu.

Tesitura

Representación del rangu vocal d'un contraltu, pudiendo tomar de normal les notes marcaes en verde y algamar n'ocasiones aquelles en mariellu.

Polo xeneral bazcuya ente'l fa3 que s'atopa sol do central (una octava más embaxo del do central) y el fa5 (una octava a la derecha del do central, siendo'l do central establecíu como do4). La denominación del do central puede variar según el índiz acústicu tomáu como referencia. Equí úsase'l índiz acústicu científicu, onde'l do4 (261,63 Hz) ye consideráu como la nota central del pianu.

El rexistru típicu d'una cantante contraltu varia ente'l fa3 y fa5, pero dependiendo del entrenamientu que reciba la voz el rexistru puede ampliase baxando dende l'el mio3 y xubiendo hasta'l si bemol 5.

Na actualidá la mayor parte de les muyeres que canten los papeles de contraltu son en realidá mezzosopranos que consiguen algamar los graves del contraltu acovanando la voz y valiéndose del pechu femenín, esto ye por cuenta de la poca frecuencia de contraltos verdaderes.

Anque tanto los homes como les muyeres pueden tener voces dientro de la estensión vocal del contraltu, esti términu siempres s'utiliza refiriéndose al sexu femenín. Al home que canta na tesitura de mezzosopranu o sopranu, llámase-y contratenor.^[2]

Historia

El conceutu contraltu ta venceyáu nos sos oríxenes al cantar na ópera clásica, d'esta miente en delles cultures escarecen d'un sistema comparativu de categorización vocal, siendo'l términu propiu de les tradiciones occidental y atribuyible solo a vocalistas femenines; los vocalistas masculinos con un rangu vocal similar son conocíos como "contratenores". Los términos italianos "contraltu" y "alto" nun son sinónimos, el postreru téunicamente denota un rangu vocal específicu nel cantar de coral ensin tener en cuenta factores como la tesitura, el timbre, l'habilidá vocal o'l pesu de la voz.

Una auténtica contraltu ye de cutiu considerada como una de les voces femenines más rares, y ta presente solu nun pequeñu porcentaxe de la población mundial. Dellos teóricos musicales afayaron que les cuerdes vocales topaes nesi tipu de cantantes son más grueses qu'aquellos presentes n'otres voces femenines.

Tipos de contraltu

Marianne Brandt, renombrada cantante d'ópera austriaca contraltu.

Dientro de la voz de contraltu reconocen trés subcategorías xeneralmente estremaes nel ámbitu de la ópera: contraltu de coloratura, contraltu risible o buffa y contraltu dramática. Estos subtipos non siempres s'apliquen con precisión a cantantes individuales; esisten delles esceiciones dientro de los contraltos dramátiques como Ernestine Shumann-Heink y Sigrid Onégin, que téunicamente son capaces d'interpretar non solo melodíes fuertes y dramátiques de la mano d'autores como Wagner, sinón que de la mesma pueden interpretar composiciones afataes d'autores como Donizzetti.

Contraltu dramática

El contraltu dramática ye la voz más fonda y escura, cuntando frecuentemente con un tonu más duru y mayor potencia vocal que'l restu. Nun ye habitual atopar cantantes nesta categoría.

Les auténtiques contraltu son pocu comunes y la lliteratura operística cuenta con pocos roles escritos específicamente pa elles. Dacuando, a los contraltu asígnense-yos papeles femeninos como Angelina en La Cenicienta, Rosina en The Barber of Seville, Isabella en La italiana n'Arxel, y Olga n'Eugene Onegin, pero de normal desempeñen roles de villanes o papeles masculinos orixinalmente escritos para castratis. Nel repertoriu de los contraltos abonden los papeles dramáticos que riquen gran intensidá d'espresión. Un exemplu d'ello son Ewa Podles o Anna Larsson (como Erda en Sigfrido deRichard Wagner). Suelen cantar nun rangu de do₃ hasta un do₅.⁴

Contraltu risible o buffa

Contraltu risible o buffa ye'l nome que se da a un contraltu cuando interpreta un papel risible. Ye una voz de contraltu con capacidá pa cantar ornamientos, polo que, si cabo, ye entá más malo d'atopar que la contraltu dramática.

Contraltu de coloratura

Anque esti términu poder estremar en dos partes: Tanto la llírica como la dramática.

El contraltu dramática de coloratura, ye la que se caracteriza pol gran dominiu de coloraturas y ornamientos y la que tamién tien la voz más fonda y escura. Un exemplu claro ye Ewa Podles.

El contraltu llírica de coloratura ye la que ye de timbre llixeru, pero que puede apoderar con gran facilidá les coloraturas y ornamientos y puede sostener tanta notes agudu y grave por un mayor tiempu.

El contraltu de coloratura ye de timbre llixeru, de gran axilidá, con un rexistru ascendente más altu, capaz de sostener notes agudes mientres más tiempu. La so especialidá son los pasaxes floríos o florituras, esto significa que pueden cantar más notes per segundu y amás dar saltos de notes con gran diferencia ente sigo. Ye una voz cuasi inesistente, carauterizada por una gran sonoridá y variación.

Repertoriu

Na ópera del bel cantar, los papeles de contraltu anguaño son cantaos por mezzosopranu por cuenta de la escasez de contraltos pures, (dende sol#₃ hasta si₅); por casu, Rosina en El barberu de Sevilla y los papeles principales de La Ceneréntola y Tancredi (de Rossini), el Romeo de I Capuleti y i Montecchi (de Bellini) y n'obres de Gaetano Donizetti).^[3]

Vieya priora, en Diálogos de carmelites (Francis Poulenc) Angelina, en La ceneréntola (Rossini).* Art Banker, en Facing Goya (Michael Nyman). Auntie, dueña de la tabierna The Boar, en Peter Grimes (Britten).* Azucena, en Il trovatore (Verdi).* Bradamante, en Alcina (Händel).* La baronesa, Vanessa (Barber). Bernarda Alba, en La casa de Bernarda Alba (Aribert Reimann) Brangane, en Tristán y Isolda (Wagner).* La bruxa, en Los fíos del rei (Engelbert Humperdinck) La cieca, La Gioconda (Ponchielli). La condesa Helfenstein, en Matías el pintor (Paul Hindemith). Cornelia, en Giulio Cesara (Händel). Didone, en L'Egisto (Francesco Cavalli). Erda, en L'oru del Rin, Sigfrido (Wagner) Schwertleite, en (La Valquíria) Grimgerde, en (La Valquíria) Fides, en Le prophete (Giacomo Meyerbeer). Gloria Mills, en Axel an der Himmelstür (Ralph Benatzky). Hécuba, en Les troyanes (Aribert Reimann) Home elefante, en John Merrick, the Elephant Man (Laurent Petitgirard) Katisha, en El mikado (Gilbert y Sullivan). Klytemnestra, Elektra (Richard Strauss).* Madre, en The consul (Menotti). Madre Goose, en El progresu del llibertín (Ígor Stravinski).

Madame Flora, en The medium (Gian Carlo Menotti). Madame de la Haltier, en Cendrillon (Jules Massenet). Madalena, en Rigoletto (Verdi).* Malcolm, en La dama del llagu (Gioacchino Rossini).* Mama Lucía, en Cavalleria rusticana (Mascagni). Margret, en Wozzeck (Alban Berg). Mary, L'holandés errante (Wagner).* Morgan -y Fay, en Merlín (Albeniz). Olga, Eugenio Oneguin (Chaikovski).* Orfeo, en Orfeo ed Euridice (Gluck). Lel, en La doncella de nieve (Nikolái Rimski-Kórsakov). Little Buttercup, en H.M.S. Pinafore (Gilbert y Sullivan). Lucretia, en La violación de Lucrecia (Britten). El noble Orsini, Lucrezia Borgia (Donizetti). Pauline, en La dama de piques (Tchaikovsky). La principessa, en Suor Angelica (Giacomo Puccini). Mrs. Quickly, Falstaff (Verdi). Rosina, en El barberu de Sevilla (Gioacchino Rossini).* Ruth, en The pirates of penzance (Gilbert y Sullivan). Smeaton, en Anna Bolena (Donizetti). Ulrica, en Un ballo in maschera (Verdi). Viuda Begbick, en Ascensión y cayida de la ciudá de Mahagonny (Kurt Weill).*

* Estos roles en particular pueden ser interpretaos tamién por mezzosopranus.

Ver tamién

• Sopranu
• Mezzosopranu
• Contratenor
• Tenor
• Barítonu
• Baxu
• Alto