Cuiabá

Cuiabá ye un conceyu y la ciudá más grande del estáu brasilanu de Mato Grosso, del que ye la so capital. Ta asitiada cerca del centru xeográficu d'América del Sur y forma tamién l'área metropolitana de Mato Grosso xunto cola villa vecina de Várzea Grande.^[1] El nome de la ciudá ye una pallabra indíxena bororo que significa «pesca con fleches». La ciudá fundóse en 1719, mientres la fiebre del oru,^[2] y ye la capital del estáu dende 1818. La ciudá ye un centru comercial d'un amplia área de ganadería y agricultura. La capital ta ente les ciudaes de más rápidu crecimientu de Brasil, acompañada pol desenvolvimientu del negociu agrícola en Mato Grosso.^[3] Cuiabá foi una de les ciudaes sede de la Copa Mundial de Fútbol de 2014.

Cuiabá
flag of Cuiabá (en)
Alministración
País	Brasil
Unidá federativa	Mato Grosso
Tipu d'entidá	conceyu de Brasil
Nome llocal	Cuiabá (pt)
Códigu postal	78000-000
Xeografía
Coordenaes	15°35′45″S 56°05′49″W
Cuiabá Cuiabá (Brasil)
Superficie	3495.424 km²
Altitú	165 m
Llenda con	Rosário Oeste (en) , Acorizal (en) , Chapada dos Guimarães (en) , Nossa Senhora do Livramento (en) , Santo Antônio de Leverger (en) y Várzea Grande (en)
Demografía
Población	585 367 hab. (1r xunetu 2016)
Porcentaxe	1.7502163346942E+173% de Mato Grosso
Densidá	167,47 hab/km²
Más información
Fundación	8 abril 1719
Prefixu telefónicu	65
Estaya horaria	UTC−04:00
cuiaba.mt.gov.br

La ciudá ye sede de la Universidá Federal de Mato Grosso y del estadiu de fútbol más grande del estáu, l'Arena Pantanal.^[4]

La ciudá ye una mestura rica d'influyencies europees, africanes y nativoamericanes y numberosos museos reflexen esto. Cuiabá destaca pola so cocina, baille, música y artesanía. Conocida como la «Puerta del sur a la Amazonia», Cuiabá tien un clima tropical húmedu y calorosu.