Dadu

Un dadu^[1] ye un oxetu de forma poliédrica que tien marcáu en caúna de les cares una marca diferente, davezu un númberu. Ta preparáu p'amosar un resultáu col efeutu d'asoceder les coses ensin poder preveles nel momentu nel que ye llanzáu enriba d'una superficie horizontal, dende la mano o con un cubilete. Los resultaos tien llugar cola distribución uniforme. Los posibles resultaos, numbéricos o d'otro tipu, tán marcados en caúna de les cares del poliedru y s'elixen en función de la cara vista dende enriba. Dacuando s'utilicen varios dados de la mesma manera o diferentes combinaos na mesma llanzada.

Dadu

Datos básicos
Usu	generación de números aleatorios (es) y mecánica de xuegu
Carauterístiques
Forma	hexaedru

Etimoloxía

La pallabra tien el so orixe nel llatín datum, ‘(dalgo) dao o xugao’.

Historia

Los dados considérense derivaos de la taba (nome vulgar del astrágalu de los mamíferos) y d'orixe asiáticu. Nel testu épicu-relixosu hindú Mahabhárata apaecen dichos del xuegu de dados. Fueron tamién perusaos en Grecia y Roma, como consta por dalgunes pintures de cerámiques y polos oxetos mesmos frecuentemente atopaos en escavaciones. Anque xeneralmente yeren de marfil o güesu, atopáronse varios d'ágata, bronce y vidriu.