Danny Pino

Daniel G. Pino (Miami, 15 d'abril de 1974), más conocíu como Danny Pino, ye un actor d'Estaos Xuníos de televisión y cine.

Danny Pino
Vida
Nacimientu	Miami, 15 d'abril de 1974[1] (51 años)
Nacionalidá	Estaos Xuníos
Llingua materna	inglés
Estudios
Estudios	Universidá Internacional de Florida Tisch School of the Arts Miami Coral Park High School (en)
Llingües falaes	inglés
Oficiu
Oficiu	actor, actor de televisión, actor de cine, actor de teatru
IMDb	nm0992694

Biografía y carrera

Descendiente de cubanos, Pino nació en Miami, y graduóse na Miami Coral Park High School en 1992 y na Florida International University en 1996, onde tamién yera miembru de la hermandá Sigma Phi Epsilon. Pino empezó la so carrera en televisión trabayando na serie Men, Women & Dogs (2001). En mayu de 2003, Pino interpretó a Desi Arnaz nun especial de la CBS sobre la vida de Lucille Ball, Lucy. Unu de los sos más revesosos papeles foi'l d'un líder d'una peada, traficante y violador mexicanu, Armadillo Quintero, nel drama pa la TV The Shield (2003), el personaxe ye bultable pol estupro d'una bella rapaza, namorada del líder de la peada rival, pol estupro de la hermana mayor d'un testimoniu, por quemar a les sos víctimes hasta la muerte y por axustar con adolescentes sobre la compra d'heroína. Danny Pino tamién apaeció en películes como NYPD 2069 (2004), Rx (2005) y The Lost City (2005), dirixida por Andy García y protagonizada por Andy Garcia, Dustin Hoffman, Bill Murray y Inés Sastre. En 2006 participó tamién na película Flicka, que protagonizó Tim McGraw, y más apocayá trabayó nes películes The Burning Plain (2008) y Across the Hall (2009). Hasta'l 2010 formó parte del repartu de la serie de TV Cold Case, onde interpreta al detective Scotty Valens. Anguaño interpreta al Detective Nick Amaro en Law and Order SVU.

Vida personal

Pino casóse cola so esposa Lilly en 2002, y tienen dos fíos: Luca Daniel, nacíu'l 15 de febreru de 2006, y Julian Franco, nacíu'l 5 de xunu de 2007.^[2] Anguaño mora en Los Angeles (California) cola so esposa y los sos dos fíos.

Filmografía

Películes

• Lucy (2003)
• NYPD 2069 (2004)
• Rx (2005)
• Between (2005)
• The Lost City (2005)
• Flicka (2006)
• The Burning Plain (2008)
• Across the Hall (2009)

Series de televisión

• Men, Women & Dogs (2001)
• The Shield (2003)
• Cold Case (2003-2010)
• CSI: NY (1 episodiu, 2007)
• Law & Order: Special Victims Unit (Detective Nick Amaro, 2011–presente)

Teatru

• Up for Grabs (2002)
• Measure For Measure
• Winters Tale
• Thou Shall Not