Delaware

Delaware ye un estáu de los Estaos Xuníos. Asitiáu na rexón nororiental del país, llenda al sur y al oeste con Maryland, al noreste con Nueva Jersey y al norte con Pennsylvania. Toma'l so nome de Thomas West, tercer barón De la Warr, un noble inglés que foi'l primer gobernador colonial de Virxinia^[1]

Delaware
Bandera de Delaware (es)
Alministración
País	Estaos Xuníos d'América
ISO 3166-2	US-DE
Tipu d'entidá	Estaos d'Estaos Xuníos
Capital	Dover
Gobernador de Delaware	Matt Meyer
Nome llocal	State of Delaware (en)
Llingües oficiales	ensin valor
División	ver condáu de Kent, condáu de New Castle y condáu de Sussex
Xeografía
Coordenaes	39°00′N 75°30′W
Superficie	6452 km²
Llenda con	Nueva Jersey, Pennsylvania y Maryland
Puntu más altu	Ebright Azimuth (en)
Puntu más baxu	Océanu Atlánticu
Altitú media	18 m
Demografía
Población	989 948 hab. (1r abril 2020)
Densidá	153,43 hab/km²
Viviendes	370 953 (31 avientu 2020)
Más información
Estaya horaria	Horariu del este de Norteamérica y America/New_York (es)
Fundación	7 avientu 1787
delaware.gov y state.de.us

Delaware ocupa la fastera nororiental de la península de Delmarva y ye'l segundu estáu más pequeñu y el sestu menos pobláu del país. Divídese en trés condaos, que de norte a sur son New Castle, Kent y Sussex. Los dos caberos tienen sío, históricamente, d'economía básicamente agrícola, mentantu que'l primeru ta más industrializáu. Tien una estensión de 5.130 km² y una población estimada (U.S. Census Bureau, 2015) de 945.934 habitantes. La so capital ye Dover, y la ciudá más poblada Wilmington.

Primero de que la so costa fora esplorada por navegantes europeos nel sieglu XVI, el territoriu de Delaware taba habitáu pola tribu Lenape al norte y la Nanticoke al sur. Los primeros europeos qu'aportaron al territoriu foron comerciantes holandeses que fundaron, cerca de l'actual ciudá de Lewes, la factoría de Zwaanendael en 1631^[2]. Delaware foi una de les trece colonies que participaron na Revolución Americana. Amás, l'estáu foi'l primeru en ratificar, el 7 d'avientu de 1787, la Constitución de los Estaos Xuníos, y de magar tien como alcuñu oficial "The First State" (El primer estáu).