Delta Cephei
From Wikipedia, the free encyclopedia
Remove ads
Delta Cephei (δ Cephei) ye la cuarta estrella en magnitú aparente de la constelación Cepheus o Cefeo. Ye'l prototipu d'estrella variable Cefeida, a la que da'l so nome. Foi la segunda d'esti tipu en ser afayada (tres Eta Aquilae) y la que más cerca s'atopa del Sol.
John Goodricke reparó yá la variabilidá d'esta estrella en 1784, que asocede con un periodu de reló de precisión de 5 díes 8 hores 47 minutos y 32 segundos. Ye una de les poques estrelles variables que'l so camudo de rellumu (ente les magnitúes 3,5 y 4,3) puede apreciase a güeyu, ensin ayuda de preseos.
Delta Cephei tien dos estrelles compañeres de 7º y 13º magnitú respeutivamente, cola primera de les cualos (asitiada a 41 segundos d'arcu) créese que forma una pareya física. Dambes tán arrodiaes por una nebulosa namái visible nel infrarroxu, con un tamañu de 21.000 unidaes astronómiques y un aspeutu que recuerda a una onda de choque, siendo aniciada por cuenta de la perda de masa d'ésta estrella.[1]
L'estudiu de les estrelles variables tipu Delta Cephei apurrió a los astrónomos pervalible información, principalmente pa la midida de distancies astronómiques.
Remove ads
Referencies
Wikiwand - on
Seamless Wikipedia browsing. On steroids.
Remove ads