Delta Sextantis

Delta Sextantis (δ Sex / 29 Sextantis)^[1] ye una estrella na constelación de Sextans, el sestante. De magnitú aparente +5,18, ye la cuarta más brillosa na so constelación dempués de α Sextantis, γ Sextantis y β Sextantis. Alcuéntrase a 322 años lluz del Sistema Solar.

Delta Sextantis
Datos d'observación (Dómina J2000.0)
Constelación	Sextans
Ascensión reuta (α)	10h 29min 28,70s
Declinación (δ)	-02º 44’ 20,7’’
Mag. aparente (V)	+5,18
Carauterístiques físiques
Clasificación estelar	B9.5V
Masa solar	2,8 M☉
Radiu	(2,3 R☉)
Magnitú absoluta	+0,22
Lluminosidá	95 L☉
Temperatura superficial	10.360 K
Astrometría
Velocidá radial	19 km/s
Distancia	322 años lluz (99 pc)
Paralax	10,13 ± 0,23 mas
Referencies
SIMBAD	enllaz
Otres designaciones
29 Sextantis / HD 90882 / HR 4116 / HIP 51362 / SAO 137600 / BD-01 2395
[editar datos en Wikidata]

Delta Sextantis ye una estrella blancu-azulada de la secuencia principal de tipu espectral B9.5V.^[1] Tien una temperatura efectivo de 10.360 K^[2] y la so lluminosidá ye 95 vegaes superior a la lluminosidá solar. Con un radiu 2,3 vegaes más grande que'l del Sol,^[3] rota con una velocidá proyeutada ente 140 y 172 km/s.^[2][4] Tien una masa 2,82 vegaes mayor que la masa solar y, tocantes a la so edá, escurrió yá 3/4 partes de la so etapa como estrella la secuencia principal.^[4]

Delta Sextantis amuesa una bayura relativa de fierro inferior a la solar nun 70% ([Fe/H] = -0,52). El magnesiu manifiesta idénticu enclín, ente que'l nivel de siliciu ye muncho más paecíu al del Sol. Recién estudios revelen qu'un ampliu númberu d'estrelles de tipu B tamién presenten anomalíes químiques —tocantes a que los niveles de los distintos metales difieren de les solares—, hasta agora circunscritas a estrelles más fríes de tipu Am y Fm.^[2]