Dendrocopos minor
especie de páxaru From Wikipedia, the free encyclopedia
Remove ads
El picu menor,[2] (Dendrocopos minor), ye'l más pequeñu de los picatueros europeos. Ye de la familia de los Picidae.
Remove ads
Descripción
Ye'l más pequeñu de los picatueros, 14 a 15 cm, col envés llistáu de blancu y negru; gargüelu y pechu blancos coles partes inferiores clares, con rayáu en negru; ales negres con motudu en blancu; capirote coloráu nel machu, negru nes femes.
Distribución
Distribúyese pola rexón Paleártica, dende la Península Ibérica hasta Kamchatka y Xapón, alcontrándose ente les llatitúes, 35º N y 70º N.
N'España la especie considérase sedentaria, con dos grandes nucleos de población, el primeru tomando una franxa al norte, dende Asturies y Lleón hasta la zona noroccidental d'Aragón y el segundu ocupando tola área suroccidental de Castiella y Lleón, norte d'Estremadura, Comunidá de Madrid y Guadalajara. Nel restu peninsular la so apaición ye puntual y esvalixada, tando ausente de grandes zones del centru y esti peninsular, lo mesmo que de Canaries y Baleares.
Remove ads
Hábitat
Habita carbayuda-yos, choperas, y montes mistos, sotos y arbolees non bien trupes con preferencia n'ecosistemes fluviales, apaeciendo tamién n'árees abiertes con árboles vieyos.
Na península ocupa los mesmos hábitat na zona norte y nel nucleu castellanu-estremeñu tamién montes, pero con preferencia les deveses, carbayeres, castañares y tamién sotos de ribera.
Nidifica n'árboles vieyos, inclusive en xardinos grandes, alcontrándose dende'l nivel del mar hasta los 1.400 msnm, anque tamién pueden criar en túneles escavaos en turries de los ríos.
Amenaces
La perda y fragmentación d'hábitat, sobremanera por baltes de montes con arboláu maduro, la desapaición de los bosque de ribera, la reforestación con arboláu de crecedera rápida y los quemes forestales.
Referencies
Enllaces esternos
Wikiwand - on
Seamless Wikipedia browsing. On steroids.
Remove ads