Dryocopus martius

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. El picapodrizu^[2] (Dryocopus martius) ye una especie d'ave piciforme de la familia de los picatueros (Picidae) que se distribúi pelos montes maduros templaos y boreales d'Europa y Asia. Nun ta amenazada a nivel global, y la so población envalórase ente 1.500.000 y 2.900.000 exemplares.^[1]

Dryocopus martius picapodrizu
Estáu de caltenimientu
Esmolición menor (IUCN)[1]
Clasificación científica
Dominiu:	Eukaryota
Reinu:	Animalia
Filu:	Chordata
Subfilu:	Vertebrata
Clas:	Aves
Orde:	Piciformes
Familia:	Picidae
Xéneru:	Dryocopus
Especie:	D. martius (Linnaeus, 1758)
Distribución
Consultes
[editar datos en Wikidata]

Dryocopus martius pinetorum

Taxonomía

Tien descrites dos subespecies:^[3][4]

• D. m. khamensis (Buturlin, 1908) - Tíbet y suroeste de China.
• D. m. martius (Linnaeus, 1758) - Montes de fayes y coníferes d'Eurasia.

Descripción

Ye un picapinos grande: mide de 40 a 46 cm de llargu y tien un valumbu d'ales d'ente 67 y 76 cm. El so plumaxe ye negru por completu, a esceición del pileu (parte cimera de la cabeza), onde tien una mancha colorada. Los sexos estremar en que nel machu la mancha colorada cubre por completu'l pileu, y na fema solo ye colorada la parte posterior.^[5]