Ed Wynn

Ed Wynn, nome artísticu de Isaiah Edwin Leopold (9 de payares de 1886, Filadelfia – 19 de xunu de 1966, Beverly Hills), foi un popular actor y comediante d'Estaos Xuníos, que realizó una perafamada carrera de casi 65 años au participó en vodevils y teatros, en shows de televisión y radio y tamién nel cine. Tien dos estrelles nel Paséu de la Fama de Hollywood, pola so actividá en cine y televisión, respeutivamente.^[6]

Ed Wynn
Vida
Nacimientu	Filadelfia, 9 de payares de 1886[1]
Nacionalidá	Estaos Xuníos
Muerte	Beverly Hills, 19 de xunu de 1966[2] (79 años)
Sepultura	Forest Lawn Memorial Park
Causa de la muerte	cáncer d'esófagu
Familia
Casáu con	Hilda Keenan (1914 – div. 1937) Frieda Mierse (1937 – div. 1939)[3] Dorothy Elizabeth Nesbitt (1946 – 1955)
Pareyes	Jean Ackerman
Fíos/es	Keenan Wynn
Estudios
Llingües falaes	inglés[4]
Oficiu
Oficiu	actor de xéneru, actor de teatru, actor de cine, actor de televisión, llocutor radiofónicu, compositor, cabaretista, productor de teatru, direutor de teatru, showman (es)
Premios	ver Estrella del Paséu de la Fama de Hollywood Leyendas Disney  (2013) [5]
Nominaciones	ver Óscar al meyor actor de repartu (22 febreru 1960): The Diary of Anne Frank
Discográfica	RCA Victor
IMDb	nm0943956

Ed Wynn inspiró la grabación de voz n'inglés del dibuxu animáu Wally Gator.

Biografía

Isaiah Edwin Leopold nació en Filadelfia, Pennsylvania, el 9 de payares de 1886 fíu d'una pareya de xudíos de Bohemia, emigraos a finales del sieglu XIX. Siendo un adolescente, escapó de casa. Na so mocedá trabayó como ayudante de W. C. Fields. Depués, nos años 1910, actuó en diversos vodevils y, dende 1914, nos Ziegfeld Follies, una serie de producciones teatrales de Broadway basaes nel Folies Bergère parisín. Los primeros ésitos de Ed Wynn llegaron en Broadway dellos años más tarde, con The Perfect Fool (1921).

Darréu dirixó un programa de radio llamáu Texaco's Fire Chief, de 1932 a 1939, enantes de debutar na pequeña pantalla nos años 1950. Esi mesmu añu ganó un premiu Emmy a la Most Outstanding Live Personality.^[6]

Tamién participó nel cine y aportó a nomáu al Óscar pola so actuación en The Diary of Anne Frank (1959).^[6] Punxo la voz al personaxe del Sombrereru Llocu na versión de Disney d'Alicia nel país de les maravíes (1951). Actuó coles mesmes en Mary Poppins (1964) y The Greatest Story Ever Told (1965). Amás participó na serie The Twilight Zone de Rod Serling interpretando a un vendedor ambulante que s'enfrentaba a la muerte.

Ed Wynn yera masón y pertenecía a la loxa númberu 9 de Filadelfia.^[7] Morrió de cáncer el 19 de xunu de 1966, en Beverly Hills (California)