Edsger Dijkstra

Edsger Wybe Dijkstra (11 de mayu de 1930, Rotterdam – 6 d'agostu de 2002, Nuenen) foi un informáticu neerlandés. En 1972 diéron-y el premiu Alan Turing poles contribuciones fundamentales que fizo na estaya de los llinguaxes de programación.

Edsger Dijkstra
Vida
Nacimientu	Rotterdam[1], 11 de mayu de 1930[2]
Nacionalidá	Reinu de los Países Baxos [3]
Llingua materna	neerlandés
Muerte	Nuenen[3], 6 d'agostu de 2002[2] (72 años)
Causa de la muerte	cáncanu colorrectal
Familia
Casáu con	Maria C. Debets (en) [4]
Estudios
Estudios	Gymnasium Erasmianum (en) 1948) Universidá de Leiden (1948 - 1956) : física, matemátiques Universidá de Cambridge (1951 - 1951) Universidá d'Ámsterdam (1956 - 1959) Philosophiæ doctor : ciencias de la computación (es)
Tesis	'
Direutor de tesis	Adriaan van Wijngaarden
Direutor de tesis de	Nico Habermann Martin Rem David Andrew Naumann Jan van de Snepscheut Antonetta Johanna Maria van Gasteren (en) Jan Tijmen Udding (en) Kees Hemerik (en)
Llingües falaes	neerlandés inglés[5]
Oficiu
Oficiu	matemáticu, físicu, informáticu teóricu, inxenieru, profesor universitariu, científicu de la información, programador
Llugares de trabayu	Austin
Emplegadores	Centrum Wiskunde & Informatica (en)  (1952 –  1962) Eindhoven University of Technology  (1962 –  1984) Universidá Radboud de Nijmegen  (1971 –  1972) Burroughs Corporation (es)  (1973 –  1984) Universidá de Texas n'Austin  (1984 –  1999)
Trabayos destacaos	Algoritmo de Dijkstra (es) algoritmo del banquero (es) algoritmo shunting yard (es) smoothsort (es) Letters to the editor: go to statement considered harmful The humble programmer (en)
Premios	ver Fellow of the British Computer Society  (1971) [6] Premio Turing  (1972) [3] Harry H. Goode Memorial Award  (1974) [7] Computer Pioneer Award  (1982) [8] ACM Fellow  (1994) [9] Premio C&C  (2002) Premio Dijkstra  (2002) [10]
Miembru de	Real Academia d'Artes y Ciencies de los Países Baxos Academia de les Artes y les Ciencies d'Estaos Xuníos Association for Computing Machinery

Dijkstra estudió física teórica na Universidá de Leiden. Trabayó pa Burroughs Corporation, la Universidá Teunolóxica d'Eindhoven y la Universidá de Texas n'Austin. Retiróse nel añu 2000.

Ente les mayores contribuciones de Dijkstra a la informática tán l'algoritmu del camín más curtiu (nomáu Algoritmu de Dijkstra) o'l semáforu, una ferramienta pa sincronizar programes.

Otra de les contribuciones más remembraes de Dijkstra foi l'artículu Go To Statement Considered Harmful, espublizáu en 1968, nel que criticaba l'emplegu de la orde goto en programes d'ordenador. Esti artículu considérase perimportante nel desendolcu de la programación estructurada, ún de los primeros pasos hasta la inxeniería del software. Tamién trabayó n'otros proyeutos importantes, como'l primer compilador pal llinguaxe ALGOL 60. Dempués trabayó na estaya de la verificación formal de programes.

Amás d'investigador científicu, Dijkstra foi un home con gran pruyíu pola enseñanza, qu'exerció n'universidaes como la de Eindhoven o la d'Austin (Estaos Xuníos); dizse que yera un escelente profesor.

Dijkstra morrió de cáncer en 2002. Munchos de los sos escritos caberos (fechos con pluma) escaniáronse dempués y alcuéntrense n'internet.